吉祥日本料理 (已結業)

前排去咗黃埔探朋友班，等佢放咗工之後去覓食，咁啱佢話想去食日本菜，就一齊去咗新開呢間日本餐廳食，有各款壽司、燒物、小食等等。✿ 吉祥二人前 吉祥二人前包含好多野食，有前菜、刺身4點、壽司8貫、迷你火炙魚生飯、迷你三色丼、燒油甘魚鮫、A4和牛。⭐️刺身4點刺身有真鯛、牡丹蝦、大吞拿魚腩、帶子，真鯛被切至薄片仍能感受到濃厚魚味🐟 牡丹蝦蝦肉清甜🦐大吞拿魚腩油脂豐富，入口肥美，帶子爽甜。⭐️壽司8貫壽司8貫有三文魚籽、海膽、左口魚邊鮫鰈魚、赤身，海膽新鮮，有少少入口即溶感☺️左口魚邊加鮫鰈魚呢個組合太新穎，一厚一薄互相輝映。赤身冇乜脂肪，就系因此更突顯魚味。⭐️A4和牛A4和牛入口即溶，油脂豐富得喺口裡面徘徊🐮⭐️燒油甘魚鮫油甘魚刺身就食得多，燒成油甘魚鮫同樣美味，魚肉肉質清甜，沾上醋令味道更提升。⭐️ 迷你火炙魚生飯迷你火炙魚生飯系系三文魚同左口魚邊，兩種魚生油脂十分豐富，食得好滋味呢。⭐️迷你三色丼迷你三色丼系三文魚籽、中拖羅蓉、海膽，數款材料同米飯撈勻後充滿滋味，中拖羅蓉本身就夠新鮮🐟