王幺妹黔川米線 (已搬遷) 新店位置

最近天氣凍，特別想食暖笠笠嘅嘢，係黃埔戲院睇完戲後，同朋友行到黎位於黃埔街嘅王幺妹，一嚐貴州風味😍小店店面狹小，枱都放到店外，沒啥裝潢設計，但多了一份人情味。我同朋友分享一個迷你羊腩煲，底下有明火暖着，看着白煙不斷「噗噗噗」地冒上來，倍感幸福☺️平時我很怕羊羶味，但呢度嘅羊腩煲羶味不重，而且好足料，又夠入味，一級棒👍🏿家鄉蒜泥白肉米線（酸辣湯） $35不得不大讚酸辣湯底，夠辣又夠味，好滋味呢！蒜泥白肉切得較厚，口感爽，值得一試。辣子雞米線（酸辣湯）$35據說這個是招牌，採用貴州遵義米線，當地出產優良稻米，所以做成的米線較一般的粗厚，滑溜帶韌勁，有點食上海麵的感覺呢！重慶一口小雲吞 $20/12隻非常抵食的小雲吞，size較小，勝在皮薄餡靚，推薦！