影片
更多
2021-04-21
236 瀏覽
米気裝潢日系，以木系無印風為主，有吧枱、二人位、四至六人卡位等，整體闊落坐得幾舒服☺️每枱都提供熱水壺，入面竟然係熱茶，暖粒粒幾好飲~🥰餐廳主打日系定食，客人可以自由揀選唔同既組合，岩哂唔同口味同食量既朋友仔😍👍🏻定食建議組合米+主+冷+溫，加$8仲有湯品同漬物，亦可自由配搭埋甜+飲🤩更有唔同既季節限定選擇，豐儉由人👍🏻最欣賞每款食物都配搭唔同既器皿，非常貼心，視覺效果亦一流😛📸🍚米✅醬油蛋 ($22) 🌟3.5/5分蛋黃撈飯配搭埋醬油香，簡單但好食☺️✅(季)明太子蛙魚 ($26) 🌟3/5分一球分量，足夠撈飯有餘👍🏻三文魚碎唔腥，挺咸香，但唔太食到明太子存在。另外，2碗飯都太濕，有啲痴埋一舊，唔能夠粒粒分明🥺🍲主✅蕃茄味噌豆腐漢堡 ($38) 🌟3.5/5分係一款素漢堡，內餡以豆腐、青黃椒、洋蔥為主，口感軟綿，味道偏重青黃椒同胡椒味。蕃茄醬酸甜適中，幾開胃，整體較清淡😉伴碟炸蓮藕片幾有驚喜，脆身唔油膩👍🏻✅(季) 湯咖喱野菜雞 ($48) 🌟3.5/5分見到湯咖哩就諗起北海道🥺野菜份量幾多，有西蘭花、茄子、粟米仔、蓮藕、南瓜、香菇等，索晒啲湯咖喱👍🏻👍🏻雞有3-4舊，先炸後浸湯，較乾
米気裝潢日系，以木系無印風為主，有吧枱、二人位、四至六人卡位等，整體闊落坐得幾舒服☺️
每枱都提供熱水壺，入面竟然係熱茶，暖粒粒幾好飲~🥰餐廳主打日系定食，客人可以自由揀選唔同既組合，岩哂唔同口味同食量既朋友仔😍👍🏻
定食建議組合米+主+冷+溫，加$8仲有湯品同漬物，亦可自由配搭埋甜+飲🤩更有唔同既季節限定選擇，豐儉由人👍🏻最欣賞每款食物都配搭唔同既器皿，非常貼心，視覺效果亦一流😛📸
🍚米
✅醬油蛋 ($22) 🌟3.5/5分
蛋黃撈飯配搭埋醬油香，簡單但好食☺️
✅(季)明太子蛙魚 ($26) 🌟3/5分
一球分量，足夠撈飯有餘👍🏻三文魚碎唔腥，挺咸香，但唔太食到明太子存在。另外，2碗飯都太濕，有啲痴埋一舊，唔能夠粒粒分明🥺
🍲主
✅蕃茄味噌豆腐漢堡 ($38) 🌟3.5/5分
係一款素漢堡，內餡以豆腐、青黃椒、洋蔥為主，口感軟綿，味道偏重青黃椒同胡椒味。蕃茄醬酸甜適中，幾開胃，整體較清淡😉伴碟炸蓮藕片幾有驚喜，脆身唔油膩👍🏻
✅(季) 湯咖喱野菜雞 ($48) 🌟3.5/5分
見到湯咖哩就諗起北海道🥺野菜份量幾多，有西蘭花、茄子、粟米仔、蓮藕、南瓜、香菇等，索晒啲湯咖喱👍🏻👍🏻雞有3-4舊，先炸後浸湯，較乾同柴。
🥗冷
✅松葉蟹薯仔沙律 ($24) 🌟3.5/5分
沙津有薯仔蓉、青瓜絲、紅蘿蔔等，口味清新又帶點creamy👍🏻唯松葉蟹存在感較低😂
🍢溫
✅明太子雞翼 ($38) 🌟3/5分
雞翼同湯咖哩的雞肉一樣先炸過，肉質亦較乾和柴😟不過明太子份量幾多，咸香得黎帶點微辣😋
✅忌廉蟹肉餅 ($26) 🌟3.5/5分
微溫，外皮酥脆內層creamy🤤忌廉味濃，又係唔太食到蟹肉🤣
✅蔥燒厚切牛舌 ($32) 🌟4/5分
雖然未至於厚切，但都有成5-6大片👍🏻口感唔錯，蔥油惹味，微暖下都好食🤤
餐廳整體唔算世界級好食，偏向日系家庭式料理，味道正常，食落好舒服☺️💛可以自由配搭，選擇夠多，食到好開心😂😛器皿亦見用心，日系和食，打卡一流🤓我地揀左咁多野食，埋單加一$279，價錢合理，滿足哂味道同眼球~😂😝
張貼
