米気

位於黃埔嘅人氣小店，晚餐時間排晒長龍。裝修以日式木系為主。餐廳嘅形式係自行組件唔同嘅菜式，然後放喺一個木盤入邊，呈現日式定食嘅樣貌。自選飯類：有唔同醬汁嘅組合👌🏼海苔醬飯：海苔醬比想像中甜好多，就好似將紫菜加咗糖整成好濃厚嘅味道。對於自己嘅口味嚟講覺得偏甜。至於白飯都整得粒粒分明。👌🏼醬油蛋魚子飯結合咗生蛋黃嘅濕潤質感，再撈埋魚子嘅鹹香，符合預期嘅味道。自選菜式：:)月見博多地雞團子喺呢度嘅招牌菜，將免治雞肉撈埋雞軟骨，上面加個生蛋黃。口感味道就好似嗰啲日式雞軟骨雞肉棒，不過變咗一大嚿咁。雞肉撈埋雞軟骨嘅硬粒質感，整體口感味道都唔錯。:)日式吉列豬扒口感爽脆，唔錯。:) 蒜蔥燒牛肩肉卷牛肉頗嫩，有牛味，連埋啲蔥花食幾香口好味。👌🏼關東煮正正常常冇咩特別。蔥燒牛舌雖然係餐牌推介招牌菜，但反而呢碟最普通。牛舌冇平時燒牛舌嗰種香味，而且仲有一啲鹼水味道，唔知係咪落左梳打粉果種鹼水味。🤔南瓜沙律好凍，而且南瓜唔算甜，普通。整體嚟講，有日食風味，味道可以但又未至於好驚喜。…查看更多

【九龍城區】【米気】之前喺黃埔附近食咗間米線，但我見隔離呢間長期都勁多人，唔知食乜又點，用腳步踩入去同大家探索。坐低就收到張點餐紙，原來係分類咁剔，想要乜就剔落張點餐紙度。米飯我要 $38 嘅期間限定「月見吞拿魚蓉飯」，幾好食，個味勁啱送飯，好快食晒。主菜要 $48 嘅「牛肉壽喜燒」，唔攪花巧，將啲料放晒入碗，夠粗暴，我中意，味道都正常。之後到 $28 嘅冷盤「明太子牛油果沙律」，濃味得嚟唔會太鹹，okay 嘅。熱盤就叫 $45 嘅「蒜蔥燒牛肩肉卷」同 $36 嘅「蔥燒牛舌」，前者燒得都幾好食喎。後者個牛舌加上大量蔥蒜辟腥，又幾過癮。甜品要咗 $30 嘅「米気雪糕」，又幾香米味，中意食呢類鹹香嘅人唔好錯過。飲品我飲 $12 嘅「米気黑糖米水」，係常溫嘅，黑糖味都出，認真少少嗒先有米香。埋單係 $261，食到咁多嘢，我覺得係合適嘅價。。。（地址：紅磡黃埔天地百寶坊(第3期)地下G32號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am九龍城區 #黃埔 #紅磡 #1am紅館 #米気 #月見吞拿魚蓉飯 #牛肉壽喜燒 #明太子牛油果沙律 #蒜蔥燒牛肩肉卷 #蔥燒牛舌 #米気雪糕 #米気黑糖米水 #1am1769 #1ambackup…查看更多

今次試咗呢間日式家庭料理，成套餐有得自己揀主食，冷温食，米飯。今次揀咗一碗係吞拿魚蓉加生蛋黃，攪勻之後飯粒都掛滿魚蓉同蛋香，滑到停唔到口；另一碗就係三文魚籽飯，粒粒晶瑩爆汁，鹹香好啱鍾意海水味重啲嘅人。白飯小偷有牛肉咖喱，牛腩同紅蘿蔔燜到入味軟腍，咖喱香濃得嚟又帶甜味，小碟配菜都唔馬虎，厚蛋燒口感嫩滑，面頭仲加咗魚子，賣相同味道都加分。仲有涼拌牛肉配蔥花、薯仔沙律同金平牛蒡，每樣都細細碟，試到唔同款。可以逐樣試，價錢出品同食材嚟講算合理，環境又舒服，真係食得好滿足。鍾意日式料理嘅朋友，可以試下！…查看更多

作為黃埔街坊時不時都食佢，呢排見佢轉咗少少裝修同埋餐牌。野食有少少跌watt，同埋發現啲餐具全部變晒膠，印象中以前唔係咁樣….因為我對佢哋嘅器皿同擺盤都幾有印象！ 啲膠搞到成件事好 cheap ，有啲唔開心！ 日本嘢其實除咗嘢食之外都要食個質感，而家搞到變咗吉野家feel😭…….. 個辛辣雞絲沙律超級難食，好甜，冇味，我以為佢會係以前嗰隻韓式粉絲沙律嗰隻味，點知唔係😭😭 今日成餐都食得有啲傷心…..😭😭…查看更多

見到有咁多好評，就過嚟紅磡試下，叫咗兩個套餐套餐1飯:月見吞拿魚蓉->都係估到嘅味，但d飯太爛太濕，扣分熱:紅酒汁煮牛肋條->分量都幾多，牛肋肉夠淋，蘿蔔夠甜温:柚子手羽中->單骨雞翼，味道驚喜，但越食個汁就覺得好酸，有啲頂唔順冷:松葉蟹薯仔沙律->幾好食，啲青瓜令到個沙律有口感套餐1整體唔錯輪到套餐2飯:甜蝦醬油蛋飯-> 同上面一樣d飯爛同太濕。見到吞拿魚蓉個飯，咁估計啲甜蝦應該係平時見到嗰啲樣，但嚟到係切到好碎濕濕，同啲飯融為一體，完全食唔到甜蝦熱:日式吉列豬扒->唔好食，乾，硬，一早煮好翻炸，炸皮同啲肉係一半一半，個汁太鹹温:蒜蔥燒牛肩肉(7成熟)->味道唔錯，但塊肉點睇都唔係7成熟。有得揀七成熟或者全熟，我揀咗七成熟，但佢上到嚟同全熟冇分別冷:鮭魚白雪山藥->食到嬲，見係有山藥先嗌，點知唔覺得有，三文魚又少到睇唔到，主角係薯仔，仲要成碗嘢冇味套餐2對比套餐1，套餐1好食好多甜蝦，好刀工總括而言，味道偏鹹，多飲水…查看更多

睇相見到呢間餐廳嘅菜式好精緻又吸引，就決定嚟試吓啦～佢嘅菜式配搭好多選擇，啱晒我每樣都想試少少嘅心🫶🏻佢會建議你揀：飯+前菜+熱盤+冷盤，不過怕太飽可以唔駛4樣都揀哂👉🏻醬油蛋飯（推介！）💰22蛋黃流心，撈飯首選😚👉🏻海苔醬飯💰17唔建議，太濃味偏鹹，會蓋過其他菜式嘅味道👉🏻紅酒汁煮牛肋條💰48個紅酒汁好濃郁但唔搶味～牛肉都好淋😋👉🏻月見博多地雞團子（推介！）💰48外脆內嫩，肉質彈牙，加咗雞軟骨更有口感👍🏻 食落去超幸福啊🥰👉🏻松葉蟹薯仔沙律💰28味道ok，薯仔綿密，有飽肚感👉🏻帆立貝裙邊海藻沙律💰26爽口又開胃，味道清新～👉🏻柚子手羽中💰34太濃柚子汁，令雞肉味冇咁出，食多幾隻會有膩嘅感覺😅總括嚟講，呢度嘅食物同環境都唔錯～即使每碟餸嘅份量唔會好多，但加加埋埋都食到好飽好滿足呢🤪👍🏻…查看更多

紅酒牛肋條視覺上就令人食指大動！主菜醬汁濃郁，牛肉軟嫩入味，搭配大塊紅蘿蔔，甜鹹平衡不油膩。白飯上面有一粒漬蛋，撈埋白飯一齊食完美提升口感。熱騰騰味增湯則溫潤解膩。配上冰涼茶，整体組合均衡，份量適中，適合忙碌午餐。價格親民，環境舒適，絕對是日式食堂的推薦之選！…查看更多

所有野食既溫度都不能接受半年前第一次黎覺得唔錯 所以上星期六去第二次但今次體驗極差 首先講冷盤 凍就正常既 但佢果種凍似係冰箱拎出黎未解好凍嘅溫度到主食同其他應該要熱既野食 全部溫度都似係室溫擺左兩個鐘凍哂既溫度（除左白飯係熱）我叫左壽喜燒同朋友叫左個牛舌 個牛舌直頭係雪櫃拎出黎既溫度 懷疑廚房唔記得叮熱直接出左餐完全不能接受 叫職員換過 轉個頭好快就再上菜 職員仲話：呢兜新整比你地先 點知一食壽喜燒舊豆腐入邊都係凍 其他野同新上既牛舌都只係極微溫我完全唔明點解可以整到啲咁既野食出黎 預先整定唔緊要呀 但至少叮熱番先比人食下嘛？？！永久blacklist…查看更多

真心麻麻哋嘅餐廳，令人太失望😭！叫咗兩set日本定食： 套餐1️⃣醬油蛋飯🍳- 蛋幾香，但啲飯煮太耐，爛晒冇口感 🍚💔 伊勢飛龍頭 - 味道平淡，話有豆腐但完全冇豆腐味 😑 - 食落去唔係好知食緊咩 🤔 茶碗蒸🍵 - 味道冇咩特別 😐 - 仲要係凍嘅 ❄️ 套餐2️⃣月見吞拿魚蓉飯🍚- 稍好過普通醬油蛋飯 - 但吞拿魚味比蛋蓋過，食唔出魚鮮味 🙊 月見博多地雞團子🐔- 似塊肉餅，完全冇雞味 ❌ 松葉蟹薯仔沙律🥗- 主角原來係青瓜 🥒 - 有啲失望，預期係蟹或薯仔 😞 🔸甜品米氣雪糕🍨-甜雪糕 + 鹹香米通粒 算幾特別- 質地似Gelato ❄️ - 整體未至於好食到想encore 🙈 整體黎講😶‍🌫️💰 價錢：人均消費約$150（另收加一）💸 👨‍🍳 服務態度：快手同埋都有禮貌既，員工都幾多吓🥹 ⏱️ 等候情況：夜晚食飯時間7點後開始好多人排隊 🕗 （本來充滿期待，但整體失望 😔 ）味道1.5/5回頭😵‍💫/5如果間餐廳得個甜品好啲，真係無必要再嚟啦！呢個價錢絕對可以有更好選擇 💁‍♀️ 大家如果見到呢間餐廳就慎重考慮吓啦 🙉 ！====================😿Honestly quite disappointing restaurant, really let me down😭!Ordered two sets of Japanese teishoku: Set 1️⃣Soyed Egg Rice🍳- Eggs are fragrant, but the rice is overcooked and mushy with no texture 🍚💔 Tofu Korokke with Tomato Miso- Bland taste, completely no tofu flavor 😑 - Can't even tell what I'm eating 🤔 Japanese Steamed Egg Custard🍵- Taste is nothing special 😐 - Served cold ❄️ Set 2️⃣Soyed Egg & Tuna Pasted Rice🍚- Slightly better than the regular soyed egg rice - But the tuna flavor is totally overpowered by the eggs🙊 Hakata Minced Chicken with Raw Egg🐔- Just like a patty, completely no chicken flavor ❌ Matsuba Crab Potato Salad🥗- Turns out the cucumber is the main🥒 - Quite disappointed, expected crab or potatoes 😞 🔸DessertMai Hei Ice Cream🍨- Sweet ice cream + savory rice crackers, quite unique - Texture similar to Gelato ❄️ - but not delicious enough for a comeback🙈 Overall😶‍🌫️💰 Price: Around $150 per person (plus 10% service charge) 💸 👨‍🍳 Service: Quick and polite, but quite a lot of staff 🥹 ⏱️ Wait time: Gets quite crowded after 7pm during dinner hours 🕗 (Had high hopes but overall disappointed 😔) Taste: 1.5/5 Comeback: 😵‍💫/5 If the only decent thing about this restaurant is the dessert, there's really no need to come back! At this price point, there are definitely better options 💁‍♀️ So think carefully if you see this restaurant 🙉!…查看更多

以前呢間餐廳嘅日式料理好出色，主打健康食材同清新口味，我幾乎日日都去幫襯。但係近排佢哋轉咗風格，餐牌多咗好多油炸食品，味道大不如前，完全失去咗原本嘅特色同質素。而家見到成枱都係油膩嘅炸物，真係好失望，已經冇再去了。 …查看更多

放假入黎黃埔行下順便食下好耐冇食嘅（米氣）間舖都好似大左咁一坐低店員就俾杯冰水我張枱有紙巾、牙籤、筆但中午原來都係叫店員落單嘅原來米氣2:30-5:30而家有下午茶喇～～～～～咁我今日就試吓下午茶$46蔥燒牛丼啦見佢另外仲有個大阪燒，下次再試牛丼d牛肉燒得啱啱好，而且同蔥燒汁真係好夾，牛肉上面仲有醬油蛋，令到個飯好juicy，食下食下就食晒喇另外仲叫左杯熱粟米拿鐵，估唔到幾好飲啵!係重奶嘅粟米濃湯feel,叫左下午茶加飲品係正價-$15，加甜品就係正價-$10見到有刨冰又想試埋，我呢個嗜甜達人就試埋焦糖海鹽刨冰，刨冰好足料，焦糖好脆，個底仲有焦糖奶，成件事真係好焦糖全部加埋$100有找，食到好飽，下次再試其他先…查看更多

好耐冇食米氣，中午行過黃埔就黎試下。同以往一樣，寫完單後上菜速度快，係值得讚既。但係，食物似乎溫度唔夠熱，有點似預製菜，食物同醬汁唔夾，食落去時甜時酸，做唔到係餐廳都食到家庭式料理。另外，餐廳燈光好光，令人想快點食完埋單走，同埋枱同枱之間距離好近，唔覺有食緊家庭式料理，咁樣就要收成三百幾蚊連加一。…查看更多

I was initially excited to dine at this Japanese restaurant, lured by glowing YouTube reviews that promised an authentic and delightful experience, but my visit to this establishment fell far short of expectations. Upon entering, the atmosphere was a far cry from the tranquil, traditional Japanese setting I had anticipated. Instead, it resembled the chaotic bustle of a Hong Kong “Cha Chaan Teng,” with staff shouting orders across the room, creating a jarring and unpleasant environment. The staff were noticeably unfriendly, offering no warm greetings or smiles, which made the service feel cold and impersonal. This lack of hospitality set a disappointing tone for the entire meal.The food, unfortunately, was equally underwhelming.1. The egg roll, which should have been soft and fluffy, was overcooked to the point of being tough and unappetizing, rendering it nearly inedible. 2. The fried chicken was an even greater failure—soggy, limp, and utterly lacking the crispness one would expect, scoring a dismal 1/10. It was so poorly executed that it couldn’t even compare to fast-food chains like KFC, and I left most of it untouched. 3. The main dish, while marginally better, was served in such a stingy portion that it felt overpriced and left me unsatisfied. 4. Worst of all was the rice, which was inconsistently cooked with a mix of hard, underdone grains and mushy, overcooked ones. When I politely requested a replacement, the waiter admitted that several other customers had raised the same issue, revealing a troubling lack of attention to quality control in the kitchen. This apparent prioritization of speed over care was deeply frustrating. 5. Adding to the discomfort, the restaurant’s air conditioning was woefully inadequate, leaving the dining area oppressively hot. I was visibly sweating throughout the meal, and I overheard other patrons grumbling about the same issue, which only compounded the unpleasant experience. Overall, the combination of a chaotic and unwelcoming atmosphere, indifferent service, substandard food, and an uncomfortably warm setting made this a thoroughly disappointing dining experience. I cannot recommend this restaurant to anyone seeking an authentic or enjoyable Japanese meal, and I have no intention of returning.…查看更多

好少嚟紅磡，同friend一齊睇完Command show嚟咗紅磡呢邊搵嘢食，發現好多人喺度排緊隊就揀咗依間冇諗到咁好食我覺得最好食嘅係嗰個雞團，出邊係有啲脆脆啲嘅一個外殼，裏便帶有一少少甜厚，同埋有一個糖心蛋係中間，一讀呢啲蛋液可以流晒落嚟cover晒嗰個出邊嘅醬汁嘅甜味，成個就好豐富嘅口感但係試咗一個菜沙律叫做八爪魚沙律🥗，想話嗰個蘿蔔真係酸到認唔到自己。所以個人就建議唔好嗌呢個八爪魚沙律啦。其他係幾好食嘅。…查看更多

試咗佢哋嘅醬油蛋飯，簡單但味道好正。蛋黃流心，醬油味濃南蠻炸雞，外脆內嫩，雞肉多汁，配上他他像幾清新奶油菠菜鮭魚，鮭魚煮得剛好，奶油味滑順，可惜菠菜有少少嚡口蔥燒牛舌，蔥香味濃，但係略嫌牛舌有啲韌。忌廉蟹肉餅，忌廉醬香濃，但唔係太食到蟹肉松葉蟹薯仔沙律同蒜蔥燒牛肩肉都唔錯松葉蟹肉配上薯仔，清爽又滿足；蒜蔥燒牛肩肉更加好味，肉質都算軟嫩總結來講，米氣嘅食物無論係味道定係擺盤都相當用心，啱晒每樣都想試少少但又細食嘅你！…查看更多