米気

營業中

休息中

米氣既選擇好多，有選擇困難症嘅人千萬不要食這個餐廳，因為應該選半天都選不到想吃什麼。蟹膏蟹肉飯呢個飯既蟹膏蟹肉是咸咸的，下面有塊香葉，而且個表面有些wasabi。啲wasabi 撈埋啲蟹食好勁陣味😂，會食到哭出嚟。月見博多地雞團子個雞團子幾甜同個蛋幾夾，但要送飯食，剩食會太重味。鮭魚白雪山藥營養價值豐富，味道方面像薯蓉一樣，有種淡淡既味道。柚子醬油煎鴨胸呢個鴨胸好嫩，鴨肉好薄，肥瘦均勻，與柚子醬油味配合起來恰到好處，係最美味既小菜。米氣雪糕有米味既牛奶雪糕，雪糕都滑滑的。#米氣 #米氣雪糕 #紅磡 #黃埔 #蟹膏蟹肉飯 #月見博多地雞團子 #鮭魚白雪山藥 #柚子醬油煎鴨胸

教會boardgame前速食，呢間米氣bookmark咗皓耐，上次食咗隔離火夫，今次就食米氣。入座率3成，都有位，坐一人自私bar枱位，同隔離有隔板，有張點心紙tick完交俾職員，唔同種類揀一個都有幾萬種combination，最後我揀咗，漬物/味噌湯$8+明太子🤴飯$22+帆立貝裙邊海藻沙律🥗$26+月見博多地雞團子$48+北海道芝心粟米🌽球$36+蜜柑白玉$30（後上）。主菜一大個碟上，皓震撼，我唔食酸嘢，漬物剩係食咗牛蒡，味噌湯唔錯，明太子🤴送飯正，應該係日本🇯🇵米，好食，雞團子🍡麻麻，就算加咗蛋黃都冇加分，沙律🥗清爽，皓有咬感，唔酸，正，粟米🌽球唔脆，入面芝心一般。甜品🍮白玉成個笑哈哈😄咁，仲有透明啫喱同綠茶🍵啫喱，正👍🏻，臨走門口有人等位

一直好想試紅磡的米氣，早前終於的起心肝與好友於黃金周後的星期日約一點左右到訪，烈日當空下幸好稍等一會便有位！餐點有點像散叫小菜，由於期望過高所以覺得還好(*/ω＼*)🌟飯 +醬油蛋 $22日本米粒粒飽滿又濕潤，配日本蛋黃送飯冇得輸👍🏻🌟月見博多地雞丸子 $48加入軟骨的雞肉丸子，肉質軟熟同時帶點脆骨的口感；輕輕篤爆蛋黃，沾上濃香的蛋黃之餘入口更滑溜，配濃郁的醬油汁十分美味，是本日最愛之一ჱ̒⸝⸝•̀֊•́⸝⸝)⭐️蔥燒牛舌 $36薄切牛舌上蒲滿蔥花，淡淡牛香；味道唔算重，底下有頗多油🫣由於個人喜歡吃牛舌的Q彈口感，個人認為薄切稍為失去牛舌本身的特色。⭐️南蠻炸雞 $46炸雞外皮香脆，雞肉結實滑溜，美中不足是欠決肉汁；沙律醬的味道令人眼中一亮✨加入了紫洋蔥和檸檬汁，清新開胃！⭐️豚軟骨煮 $48豬軟骨軟淋入味，說連蘿蔔也很入味；同樣有半隻熟蛋，整體很好下飯⭐️鰹魚汁菠菜 $20清爽的菠菜，補補纖維就對了🙂‍↕️/吃飽飽後開始出現人龍，個人覺得等幾個字可以，太久就不值得；同行友人一年前到訪過，都說水準下降了⬇️加上當日冷氣不足，坐得較不舒適，試過便心息了(≖ᴗ≖ )

米氣一直都係我既食堂黎😆佢哋有好多唔同款式既菜式自由配搭，又有限定菜單，所以食極都唔厭🥘今日就介紹下我最鐘意食既幾樣菜(*´∀｀)✰⋆🐟月見吞拿魚蓉飯$38限定菜單🪭加上新鮮日本蛋🍳軟綿綿既吞拿魚蓉味道非常濃厚😋送飯食非常好味👍🏻✰🍗明太子雞翼$38去骨嫩滑既雞翼入面塞滿已調好味既明太子，味道唔會太辣，咬起來有啖啖滿足感😍✰🍢關東煮$28入面配料好豐富，有福袋，大根等等，全部都索晒啲湯汁，好入味👍🏻✰🍖蒜葱燒牛肩肉卷$45大推呢個⭐️牛肉燒得剛剛好，唔會鞋，配埋啲蒜葱好好味😋✰🍚明太子飯$22明太子帶少許鹹辣口感，又一個白飯小偷🤍✰🍲奶油菠菜鮭魚$52鮭魚份量好多，肉質鮮嫩，加上奶油濃郁既醬汁，好creamy，口感好有層次🩵✰🥓牛肉壽喜燒$48呢個係迷你壽喜燒，牛肉淥得剛剛好，肉質嫩滑，不過略嫌醬汁有少許偏甜👀

9月30日晚食黃埔米気，呢間都幾多人排隊。野食味道唔錯，但感覺唔良好…以下係當日經歷…1. 首先嗌柚子雞翼嚟咗明太子雞翼2. 食物入面有長長頭髮，一定唔係我跌落去，因為頭件食物係撈埋一舊嘅3. 店舖出錯無合理補償比食客仲要埋單比原本貴詳細：主菜有豆腐漢堡扒，口感鬆化，但食食下唔對路，因為有嘢撠住我對筷子，開頭唔為意，食食下原來豆腐漢堡扒入邊撈咗一條勁長嘅頭髮🥶叫侍應嚟睇，佢話可以換過個餸，我諗咗好耐，期間佢提意換最貴嘅菠菜三文魚，但我無要換咗另一個比原本貴少少嘅餸紅酒燴牛肉。個餸嚟咗之後佢話同我取消豆腐漢堡扒…後尾睇單係真係幫我取消咗豆腐漢堡扒（我誤會係free我一個餸），但係後尾睇單係取消「有頭髮嘅餸」加返個新嘅正常但貴啲紅酒燴牛肉…其實我都唔期望有啲咩賠償，以為收原價就算，但估唔到舖頭有過失係個客硬食要比原本價錢貴嘅選擇。可能我係西客要求高，唔會有下次幫襯了。無影豆腐扒mix頭髮相，圖一係原本的食物組合，有豆腐扒，圖二係後尾換嘅紅酒燴牛肉，圖三係當日嘅單

-香港開左唔少日式嘅自選一汁多菜，而呢間係最多款而且擺盤係特別靚嘅😚 呢度冇限定配搭，可以自由咁每碟嘢搭配番👍🏻 而且menu都會間中轉下，所以唔會食厭😛我哋就試左呢幾款(推介🌟)：🌟醬油蛋飯 ($22)月見博多地雞團子 ($48)🌟松葉蟹薯仔沙律 ($26)蒜蔥燒牛肩肉卷 ($45) 鰹魚汁波菜 ($20)🌟茶碗蒸 ($28)忌廉蟹肉餅 ($26)西京燒銀雪魚 ($68)味道上每款都唔錯！而且有好多健康啲light啲嘅選擇😍 食完會想之後再食多次！📍米気紅磡黃埔天地百寶坊(第3期)地下G32號舖🍽️ 8/10

【日本家庭式料理 可以自選配菜😋❣️】/////星期六日晚飯時間門口有好多人等位 唔想排隊5:30呢啲時間入座剛剛好😛裝修走木系日式路線 主食配菜甚至甜品都可以自由配搭!!｜醬油蛋 ($22)｜味噌湯 ($8)｜味噌蕃茄豆腐漢堡 ($38)｜梅子豚腩煮 ($46)｜鮭魚白雪山藥 ($24)｜蒜蔥燒牛肩肉卷 ($45)｜赤玉米布丁 ($32)醬油蛋呈橙紅色 蛋味自然送飯一流😬豆腐漢堡口感似漢堡扒 鬆軟酸甜好開胃豚肉脂肪均匀👏🏻白雪山藥味道帶淡淡山藥味牛肩肉卷有香蒜葱調味 煙韌味道較濃🥶赤玉米布丁充滿米香 加上蛋黃甜甜的好特别———-📍米気紅磡黃埔天地百寶坊(第3期)地下G32號舖

我要左白飯、蟹肉蟹膏飯、紅酒牛肋條、豬軟骨。整體份量少，我諗住貴精不貴多，好食就得，但好難食，尼個價錢真係唔值。我買左蟹膏蟹肉飯，點知裏面有勁辣的wasabi,其實係未可以分開放呢，唔係個個食，就算食亦未必食到甘辣。飯方面，好一般，唔覺係靚米，無飯香同咬口。牛肋條、豬軟骨炆得林，但調味唔得，－啲都唔好食。我企喺店外等，但外賣做好又唔出聲，好彩我見成15分鐘，未問下，如果唔係，我就呆等。總括尼講，無下次。

放大假又去黃埔覓食，行行吓經過門面，望到個餐牌似曾相識，應該係喺YouTube睇過介紹其中一間食店，望望餐牌有我最鍾意嘅南蠻炸雞，於是入去一試。餐牌全部都係以set為主，有米，主，冷，飲四樣嘢。我分別係揀咗醬油飯，南蠻炸雞，南瓜沙律，黑糖米水。嚟到擺設極靚，除餐仲附送小食牛蒡羅白，同埋豆腐海帶湯，南蠻炸雞上邊鋪滿雞蛋沙律醬，炸雞外脆，內有肉汁，將有飯面頭有隻蛋撈埋日本米，口感豐富，南瓜沙律，味道清新，米水係常溫，我覺得味道一般，總括嚟講絕對係好食抵食😌

今日去左米氣食lunch。平時米氣夜晚好多人等，今日2點幾去到，都係啱啱有位坐。佢地menu 分：米 ，主，冷，溫，甜，飲 每項都有一啲食物幾吸引，但真係食唔倒咁多。每人分別點左：醬油金菇飯奶油菠菜鮭魚 - 少量菠菜，菇，鮭魚偏淡，唔太開胃柚子手羽中 - 柚子味重，味道較濃明太子飯紅酒汁煮牛肋條鰹魚汁菠菜 - 涼食不錯Caipis 乳酸菌飲品整體食物質素好，每項食物分類好多選擇。選擇完會整套套餐上菜。環境方面有啲位置會比較迫。

第一次經過發現好多人排隊😲所以決定今次經開一定要試🤗都好多款式同好多選擇👍🏻最後全部每款都叫一個☺️由冷盤到最後甜品🍧好滿足😌😌正到爆🤣🤣下次可以叫少啲🥴因為食食下都幾飽🤣

日式家庭料理週末晚上七時左右門口好多人等位我地兩大一小等了大概二、三十分鐘入座每樣所好好味蔥燒牛肉 生熟程度啱啱好👍🏻最鍾意佢蔥嘅份量畀得好足😂本身對柚子雞翼沒有太大期望點知佢個醬汁唔係hea加現成柚子醬個汁都整得好好食😋😋連薯仔蛋沙律咁平凡既菜都有令我驚豔到‼️菜式選擇也十分多有係日本食既味道如果住係黃埔 我應該會日日去食😂而且份量也十分大方👍🏻跟歲半兒子共食還綽綽有餘真係每樣都唔錯 絕對可以encore!!

朋友仔過嚟搵我食飯，揀咗呢間日式餐廳~餐廳嘅特色係有好多款選擇同配搭～幾個小碟拼埋一個定食咁，感覺好吸引～餐廳環境都係好日系，全部都係木系設計！飯方面我揀咗醬油蛋嘅配搭～自己一向都好鍾意食溫泉蛋，呢度嘅蛋好香，撈飯一流！啲小菜係同朋友share嘅，可以每樣都試到好開心！小菜雖然望落好少，但係份量都唔少，我哋主食食叫咗白汁菠菜鮭魚同紅酒汁煮牛肋條，牛肋條好腍好好食～沙律方面叫咗明太子牛油果沙律同埋南瓜沙律～味道都好好食，不過自己覺得有啲漏，但係南瓜沙律佢係好好食嘅入邊加咗蛋同埋少少蘋果好清新！而小菜揀咗柚子醬汁煎鴨胸同柚子雞翼～推薦煎鴨胸一啲都唔會硬，入口好軟熟！而甜品我哋就叫咗一個赤肉米布丁～個布丁好重米奶味，都幾特別，但係同玉子好似唔係好夾！下次再試吓其他甜品～

每次經過都大排長龍嘅日式家庭料理餐廳，為左食到佢所以早啲出嚟排隊，點知比我即刻入到（lucky😙），入到去比想像中再大間啲，裝修都好有和風感覺，簡潔木系為主。餐牌可選擇米飯、主食、冷盤，另外可以加小食同甜品。🤩🍚今次叫左個明太子飯，鮮味十足，鹹鹹香香咁好適合用黎送飯。而飯亦都煮得好好，水分軟硬適中，係份量較少。至於主食就叫左月見博多地雞團子，其實即係雞肉漢堡加隻生雞蛋黃（親子丼嘅概念）用左類似照燒醬去送，都係非常好送飯嘅味道。而且雞肉夾雜住軟骨，口感更加豐富。而冷盤就叫左鮭魚白雪山藥，除左魚肉之外另外都有薯仔，以沙律黎講就偏膩。總體黎講算係一個不過不失嘅家庭式餐廳，每樣野食份量唔算多，不過食落其實都夠飽。可惜就係冇想像中咁好食咁surprise，唔知點解要排咁耐🧐，仲有就係係叫下叫下其實都唔算平，cp值一般。

以前無打過食評，今次希望發表意見後餐廳會改善。點餐後發現放喺枱嗰壺水係無哂味嘅熱茶，請店員換過壺都無分別，根本就只係滾水食物質素也大不如前，牛肋條一碗只有2件小的，份量減少左，比咁多汁以為量好多。。。牛肉壽喜燒食落完全無味，唔值呢個價錢之前都一直幫襯米気，但今日食完之後好似受員工氣多過食飯，以後都未必再食了。