Sweet Craft (已結業)

經過黃埔見呢個甜品鋪裝修好簡約，啲甜品賣相好吸引，唔小心入咗去買杯食下🤩🍴焦糖海鹽粉雪冰 $50 (8/10)都幾大杯，擺得好靚，打卡一流啊😎上面有海鹽忌廉芝士，爆谷同焦糖脆脆，中間嗰層係雪花冰，底層係燉蛋，呢個組合真係好新鮮好特別，將我平時鍾意食嘅嘢combine埋一齊🤩海鹽忌廉芝士好香濃，有芝士味亦有少少鹽咸香，仲焦糖脆脆我就覺得太甜，爆谷好食啲，甜甜地又脆，層雪花冰好幼細，冇乜味，加cream食就啱啱好，燉蛋好香好滑，食到最底唔捨得食完啲蛋🤭推薦指數: 8/10環境舒適，任坐唔嬲，甜品又高質，價錢都唔算貴，推薦！