上海真真豆漿大王

營業中

休息中

放假自己出黎食早餐，行下新北江又有d鋪又未開，見到豆漿大王就黎食個粢飯同豆漿咁啦，話說之前都試過黎食佢d上海麵同炸排骨，都算係不過不失啦。今次叫左個粢飯，鍋貼同凍豆漿，粢飯黎講22蚊1個真係算貴了，入面都係d榨菜肉鬆同油炸鬼，油炸鬼炸得太乾，開始食果陣就好脆口，食到尾就好韌，我覺得1般般。再黎埋個鍋貼，3隻都算大隻，都做到底脆上面軟，口感唔錯，餡料都好足，係上碟個碟好多油，唔似係用水煎。豆漿就正正常常啦，咁樣1餐早餐就56蚊了。