麻辣川米線

營業中

休息中

米線痴朋友極力推介麻酸辣米線，去開深水步總會來呢間，味道認真唔錯。好似車仔面咁，可以自選湯底，菜，同埋辣度。湯底有唔辣、麻辣同埋麻酸辣，我之前試過唔辣的雞湯湯底都幾好味，一試過麻酸辣湯底之後，就連麻辣都唔想試，因為麻酸辣湯底實在太正喇！份量又夠多，女仔有時會食唔晒。我今次點左三個菜: 豬大腸、竹笙、豬潤。竹笙好爽好大條，當竹笙竹吸晒d麻酸辣湯之後就更加美味。豬潤好大塊，豬大腸就好似無乜特別。呢度都好多人幫趁，時不時都有人排隊，同埋間舖好細間，坐得好迫，佢胯在有電視睇，冷氣夠，伙記阿姐落單上菜都好快手。值得推介。