麻辣派對 (瑞生酒店) (已結業)

2020年6月1日 星期一今晚又要出去尖沙咀準備結婚嘅事，搞完一輪之後都已經大約六點幾，見有少少肚餓，於是就諗住喺附近同女朋友食餐飯再返屋企途中見到呢一間餐廳，叫麻辣派對，諗住應該係專食麻辣菜式，但係企門口嘅店員同我哋解釋話有唔辣嘅菜式，仲要味道唔錯，叫我哋試吓，於是我地就抱住懷疑嘅心態上咗去餐廳入到去發現左裝修都幾五光十色，仲播住音樂，唔知仲以為去錯咗disco，感覺上都幾有現代感餐牌上面有超級多唔同嘅菜式可以選擇，就連配菜都可以逐項揀，仲有最貼心嘅係每道菜式都可以選擇辣度，啱晒我哋呢啲唔鍾意太辣，不過又想過下口癮既人先黎係我嘅特色水果茶，當中有幾款唔同既水果，西瓜、火龍果、橙等等，感覺幾清新，飲到水果本身既甜味之後係女朋友要嘅飲品，青檸特飲，見到裏面都有三至四舊青檸，不過女朋友話飲落唔太酸，仲幾開胃添跟住開始有食物陸續送到，先係我既台式排骨薯粉，我要左BB辣但都見到成碗粉都紅紅地色，食落的確有麻麻地既感覺，不過唔會覺得好辣，仲有配料都幾多添女朋友就係唔要辣既台式牛肉麵，麵條係幼麵，所以女朋友話幾易入口同幼滑啲，不過佢話份量都幾多，一個女仔未必食得晒小食方面我哋要左唔辣既口水雞，睇落