麻辣風雲 (荃碧大廈) (已結業)

我地一黎就叫佐毛血旺，材料豐富，有鴨血，鮑魚，鮮蝦，蠔，肥牛，鴨血夠晒嫩，鮑魚就好彈牙，蝦亦都好爽口，蠔又夠肥美，啲肥牛都好腍身，全部都好入味，充滿麻辣香！另外叫埋麻辣小龍蝦，呢個係將啲小龍蝦同一隻隻嘅辣椒，仲有大蒜大蔥一齊炒香，小龍蝦每一隻都充滿辣椒嘅香味，仲有加埋秘製嘅辣油，食到麻辣味，啲龍蝦肉又好彈牙，好惹味呀！最後叫埋椰汁冰，真係有啲椰子肉喺上面，成個冰都係用椰子肉去打碎整成，所以真係好香椰子味，食到辣辣地飲番啖，非常舒服！