麻辣派對 (瑞生酒店) (已結業)

今晚同朋友食飯，佢超食得辣，無辣不歡，食咩都要加辣椒醬。佢帶路今晚去開餐，地點係麻辣派對。佢負責落單，由於我地食完下午茶先黎開餐，叫左兩個餸試下味！水煮味型桂花魚，水煮系列上枱紅當當，麻香十足，辣度唔會太高，我唔係好食得辣，所以叫左BB辣。麻香重食入口好濃香，魚肉非常滑溜，加上香料，魚肉滋味入味。魔芋爽口，加上水煮湯汁，好滿足呀！我鐘意食炸野，所以叫左個椒鹽鴨舌，香口椒鹽咸香味濃，唔會炸到好油膩，鴨舌香脆香口！朋友見到仲有好多水煮系列，好想再order，可惜我唔食得辣！兩個人剛剛好可以食得哂，份量剛好！如果食得落叫多碗白飯應該會好正呀！