麻辣派對 (瑞生酒店) (已結業)

放工喺尖沙咀行街行到攰，發覺原來依邊都開咗麻辣派對既分店，之前同朋友食過一次一直都念念不忘，於是就入咗去了哈哈裝潢依舊好有特色，好多花花掛喺天花版好靚~坐卡位都坐得好舒服我地叫咗個二人餐，包括咗有麻辣口水雞、乾煸四季豆、麻辣水煮魚，仲有兩碗白飯同兩杯水果茶我地所有野都叫咗小辣 水果汁好大杯！入面仲有好多唔同既生果麻辣口水雞好開胃，乾煸四季豆應該有少少鹹魚一齊炒，勁香口，送飯一流！主角麻辣水煮魚好出色，魚滑得嚟又唔會一夾就散，份量又多，辣味好吸引人繼續食落去！好好食！