麻辣串串香 (已結業)

鍾意食辣嘅朋友千祈唔好錯過呢間小型麻辣燙酸辣粉專門店，雖然佢位於粉嶺，一個唔係咁旺嘅地區，但係好食嘅程度可以媲美著名嘅麻辣火鍋店。除咗有麻辣燙之外，呢度有一啲好好食嘅串燒燒烤，最令我難忘呢度竟然有燒芫荽！仲要係呢度嘅推介，本身以為會燒到好焦，熏黑色，但係原來加咗燒汁，味道係可以咁香，同埋咁甜又美味，佢仲要剪開芫荽嘅頭同芫荽嘅莖部，吃落去有唔同嘅質感，好令人回味。另外當然要試吓呢度嘅燒海鮮，超好味嘅沙白，用錫紙熱辣辣地盛戴著，裏面加上蒜蓉同埋孜然粉，味道又幾夾！仲有好多粉絲添！又香又鮮甜，啲沙白仲要冇沙。另外嘅燒扇貝亦都好吸引，扇貝嘅肉大大粒，唔會好韌，同埋亦都冇雪櫃雪藏味道。呢間店我一定會encore，分店有幾間大家可以去試吓！