井巷子 by 鋒膳 (已結業)

又到左食好野時間，今次帶屋企人食米芝蓮推介餐廳。因為屋企人鐘意食辣所以揀左井巷子by鋒饍 先食麻辣鮑魚手撕雞。材料有南非孔雀鮑，新鮮三黃雞，用料非常講究，雞肉好香好濃。脆皮茅台乳鴿真係好難搵到，令薄香脆，肉就每一啖都食到超重酒味，好食到癲。見到餐牌有川辣生炒羊肉鬆拌荷葉餅，好似好特別所以叫左。師傅用英國既乾熟成羊肉黎煮，然後用皮包住黎食，好似片皮鴨咁。食返啖白胡椒山藥雪蓮子班骨湯，即刻成身暖曬，湯燉得多火喉又完全唔油，好想再飲多碗。之後到食麻婆嫩豆腐伴炸饅頭，係屋企人最鐘意既菜式，香嫩可口。而我就最鐘意重慶水煮黑白牛肉，用騸牯牛，牛胸爽，牛柳心煮成，而且店員講啲牛係新鮮㗎，所以佢食材成本絕對唔低。講到最有驚喜既，一定係麻辣蒜香小龍蝦麵，採用西班牙金星啤酒為活小龍蝦作調味，加埋手做風乾麵，啲麵吸曬小龍蝦既鮮甜味，冇得頂呀甜味有冰鎮百合綠豆沙，上面一片片既係蘭州九年百合，加埋日本水果，自己同屋企人都超開心。