麻辣派對 (金百利廣場) (已結業)

今日過銅鑼灣逛逛百貨公司，傍晚時分等埋老公放工食晚飯，天氣悶熱食餐麻辣醒醒胃。餐廳內大多數是卡位，私隱度夠高，燈光昏暗，帶點派對效果。酸菜味型江團魚(BB辣)~一大盤份量足夠四人用，BB辣對我來說已經相當辣，酸菜味道十分惹味，江團魚件件厚切大塊，冇骨啖啖肉，其他配菜有酸菜、辣椒、芽菜等，仲有一些玻璃粉及蒟蒻片。紅燒牛腩炆津白~味道一流，牛腩炆得好淋好入味，仲有些滑滑牛筋，津白索曬牛腩汁，好正。凍蜜語水果茶~材料包括：西柚、青檸、西瓜、火龍果等等，味道清新，唔會太甜，啱曬解辣。最後送咗兩杯桂花冰，清甜可口。