影片
更多
2023-04-19
66 瀏覽
上星期六打算出去睇吓波鞋, 等消費券到手就可以第一時間購物, 時間剛好係lunch time,就係附近搵吓嘢食, 去到女人街, 見到一間食麵既餐廳, 又有西式咖啡飲, 完全啱晒我口味, 所以就立即二話不說走入去啦~ 餐廳內裝修都幾有特色，睇得出老闆好有心機去裝修，除咗signature既牆上貓貓𤩹畫外, 餐廳角落有好多Collar, AK 同明禎BB既poster 同相，老闆應該係粉絲黎…. 🤭餐廳以QR 落單, 方便簡單, 而除咗麵之外, 仲有小食同蒸飯可以揀，選擇都唔少，我就喜歡食麵, 所以就揀咗個麵餐,配個小食同咖啡, 簡簡單單一人餐~ 🥢嘴舔舔鮑雞湯麵(加錢改配稻庭烏) 用QR code 落單除咗方便以外，仲可以有多項選擇，例如走蔥、走芫茜、麪既硬度選擇等等，一清二楚，一定唔會唔記得講。 湯麵湯底係好濃郁既雞湯，好飲，平時好少飲湯麵既湯底既我，都飲咗一大半，雞件嫩滑又啖啖肉，仲有蟹柳棒及鮑魚，好豐富！稻庭烏冬就唔使多講，好滑之餘仲索晒D雞湯，而我當然就係清晒，食到好飽！ 🥢小食:牛油果蝦多士(兩件) 見有優惠可以加錢叫小食，就揀咗蝦多士，無諗住會咁大件, 蝦多士炸得香脆唔
上星期六打算出去睇吓波鞋, 等消費券到手就可以第一時間購物, 時間剛好係lunch time,就係附近搵吓嘢食, 去到女人街, 見到一間食麵既餐廳, 又有西式咖啡飲, 完全啱晒我口味, 所以就立即二話不說走入去啦~
餐廳內裝修都幾有特色，睇得出老闆好有心機去裝修，除咗signature既牆上貓貓𤩹畫外, 餐廳角落有好多Collar, AK 同明禎BB既poster 同相，老闆應該係粉絲黎…. 🤭
餐廳以QR 落單, 方便簡單, 而除咗麵之外, 仲有小食同蒸飯可以揀，選擇都唔少，我就喜歡食麵, 所以就揀咗個麵餐,配個小食同咖啡, 簡簡單單一人餐~
🥢嘴舔舔鮑雞湯麵(加錢改配稻庭烏)
用QR code 落單除咗方便以外，仲可以有多項選擇，例如走蔥、走芫茜、麪既硬度選擇等等，一清二楚，一定唔會唔記得講。
湯麵湯底係好濃郁既雞湯，好飲，平時好少飲湯麵既湯底既我，都飲咗一大半，雞件嫩滑又啖啖肉，仲有蟹柳棒及鮑魚，好豐富！稻庭烏冬就唔使多講，好滑之餘仲索晒D雞湯，而我當然就係清晒，食到好飽！
🥢小食:牛油果蝦多士(兩件)
見有優惠可以加錢叫小食，就揀咗蝦多士，無諗住會咁大件, 蝦多士炸得香脆唔油, 大蝦配上牛油果蓉，配埋麵包一齊炸，又唔會好漏，帶有牛油果特有香味，好味 😋
☕️沖繩黑糖咖啡泡泡(凍)
基本上每日都會一杯咖啡既我，見到呢度咖啡選擇都非常多，唔係一般茶餐廳既咖啡選項，仲有單品咖啡，espresso tonic 等等揀，啱晒想飲杯好啡既朋友，我就揀咗杯沖繩黑糖咖啡，係cappuccino 做底再加沖繩黑糖，特有的黑糖味道減低咖啡的苦澀味，但仍保留咖啡的香味，非常適合少飲咖啡的朋友。
張貼
