十三姨 (通菜街)

營業中

休息中

🍽朋友介紹呢度既鵝肝飯好好味 今日突登過黎試下 😽點餐後店員會送上茶同埋蝦片 係等食物既時間可以食住蝦片傾計 ［老闆娘鵝肝煎蛋飯］賣相吸引，有三塊鵝肝同隻煎得好靚既蛋🌞蛋汁用黎撈飯食加埋入口軟綿既鵝肝 真係一大享受 鵝肝食得多會濟 所以呢度既份量係岩岩好 ［灸燒雞叉燒湯米粉］呢個比較岩鐘意清淡口味既人食 雞肉捲成日式叉燒樣咁切片上 感覺冇乜調味料 要另外點豉油先夠味 對於重口味既我覺得一般 湯底亦比較清［串燒&魷魚酥］我地叫左豬頸肉、雞軟骨、雞腎不過不失 雞腎比較細粒 魷魚鬚都係一般姐