鳥海山鐵板燒 (已搬遷) 新店位置

餐廳有分普通枱同埋bar枱，坐bar枱嘅話就近距離望到廚師點樣煮，不過今次bar枱滿咗，只可以坐普通枱，但係侍應嘅服務唔錯，時不時都會加茶🍵我地叫咗鳥海山鐵板餐，首先係四點嘅刺身盛，依個刺身盛應該係會跟時令而改變，比較深印象嘅係兩款鯛魚，黑鯛嘅肉質比較爽口，至於蓮子鯛就軟綿啲，試到兩款唔同口感嘅鯛魚🥢食完刺身就開始上鐵板燒，南非鮑魚煎得好想，肉質爽口又容易咬，跟住係活龍蝦，龍蝦肉好彈牙，龍蝦殼唔只係裝飾，揭開睇原來龍蝦頭仲有少少肉，鍾意嘅話可以慢慢食埋佢，侍應亦會主動提供濕紙巾清潔雙手🤲食完海鮮就到鵝肝多士，充滿油香，之後到牛肉薄燒，雖然係薄燒但係食到有好多肉汁，而且用牛肉包住咗啲蔥粒，所以惹味之餘又有多啲口感，仲有係炒椰菜，用咗蒜蓉去炒🧄成個套餐仲有包括沙律、炒飯同埋味噌湯，如果有埋甜品就更加完滿喇！