影片
更多
2022-09-09
188 瀏覽
嚟到鰂魚涌搵食，見到OpenRice話呢間台灣嘢都幾好食佢喺個商場入邊嘅位置都幾隱蔽，唔係好容易搵，食落都有驚喜算幾好食喎！🍴 牛四寶麵（牛腩/牛腱/牛肚/牛丸) $88 (8/10)超級足料，個麵非常大個！湯底比較偏鹹味，冇台灣紅燒牛肉麵嗰啲香味啊甜味，個人覺得有少少似滷水汁？個面係扁麵，煮到非常之淋，太淋冇乜口感😂每樣材料都分別有兩件，牛腩大大嚿煮到非常之淋，好易咬開又有牛味，牛腱都係好淋身，比較多骨膠原少少，牛肚就比較有口感，呢三樣嘢都滷到好入味，牛丸係好濃牛肉味道，又夠彈牙多汁，好好食！真心除咗個麵同湯底還好之外個配料係真係好好食！鍾意食牛嘅人一定要試吓呢個牛肉麵！🍴 滷水豬耳 +$19 (8/10)滷到非常入味，豬耳嘅皮係軟身嘅，軟骨都好爽口，好好食！🍴滷水大腸 +$19 (9/10)大腸都係滷到好入味，非常淋身，唔肥又冇異味，超級好食😋推薦指數: 8/10真心呢間台灣嘅價錢又唔貴，食物真係有質素，唔怪得lunch time咁多人呀！朋友食嘅滷肉飯鹽酥雞都好好食！下次都會再試吓個lunch，美中不足嘅係竟然冇台式奶茶飲🥹🥹我推薦俾大家！
嚟到鰂魚涌搵食，見到OpenRice話呢間台灣嘢都幾好食佢喺個商場入邊嘅位置都幾隱蔽，唔係好容易搵，食落都有驚喜算幾好食喎！
🍴 牛四寶麵（牛腩/牛腱/牛肚/牛丸) $88 (8/10)
超級足料，個麵非常大個！湯底比較偏鹹味，冇台灣紅燒牛肉麵嗰啲香味啊甜味，個人覺得有少少似滷水汁？個面係扁麵，煮到非常之淋，太淋冇乜口感😂每樣材料都分別有兩件，牛腩大大嚿煮到非常之淋，好易咬開又有牛味，牛腱都係好淋身，比較多骨膠原少少，牛肚就比較有口感，呢三樣嘢都滷到好入味，牛丸係好濃牛肉味道，又夠彈牙多汁，好好食！真心除咗個麵同湯底還好之外個配料係真係好好食！鍾意食牛嘅人一定要試吓呢個牛肉麵！
🍴 滷水豬耳 +$19 (8/10)
滷到非常入味，豬耳嘅皮係軟身嘅，軟骨都好爽口，好好食！
🍴滷水大腸 +$19 (9/10)
大腸都係滷到好入味，非常淋身，唔肥又冇異味，超級好食😋
推薦指數: 8/10
真心呢間台灣嘅價錢又唔貴，食物真係有質素，唔怪得lunch time咁多人呀！朋友食嘅滷肉飯鹽酥雞都好好食！下次都會再試吓個lunch，美中不足嘅係竟然冇台式奶茶飲🥹🥹我推薦俾大家！
張貼
