Grotto

營業中

休息中

今日同舊同事敘舊，去咗一間在鰂魚涌比較隱蔽啲嘅餐廳，外街好靜，出奇地入到去好多人。環境舒服有格調，俾人一種假日悠閒的感覺。開心果拿鐵呢排開心果大熱, 叫咗杯開心果latte，開心果味同牛奶味同樣濃郁，打卡一流。墨魚海膽貝殼粉 海膽醬汁好特別，有少少辣，墨魚碎上，加上貝殼粉兩樣唔同口感，煙煙韌韌，幾夾。失傳法式西多士 喺呢度的甜品名物，賣相超靚，有水果伴碟，打卡一流。比一般西多士香滑，有燉蛋感覺。總結嚟講，雖然食物種類唔多，但貴精不貴多，用心製作，質素有保證。