影片
更多
2020-08-09
368 瀏覽
琴日去芬尼街買咖喱羊肉飯做晏晝，離開時發現原來轉角位仲有另一間新舖未幫襯過，趁今日假期，就嚟試下 呢間主打泰菜嘅「泰金香」。餐廳離鰂魚涌港鐵站好近，兩分鐘路程左右，交通十分方便。店內地方不大，佈置簡潔，座位不多，但環境尚可。先睇下餐牌，餐廳午市有套餐供應，共有 9 款，劃一價 $58，全部套餐都包飲品，有泰式奶茶、龍眼冰、泰式青檸茶及汽水可以揀，+$18 仲可以配小食一款。如果唔想食飯或炒金邊粉，亦可以吃泰式湯麵餐，選擇非常豐富。我哋揀咗兩個午市套餐，泰金香海南雞飯、泰式炒金邊粉；啲餐碟很精緻，令人心情愉悅，增添食慾，好，馬上開餐！泰金香海南雞飯 ($58) 率先送上，賣相很不錯。雞件分量十足，肉質嫩滑，入口軟腍有雞味、而雞皮亦爽薄不肥，蘸泰式酸辣醬吃，別有風味。雞件旁邊有青瓜作配菜，醒胃解膩。油飯也很對辦，飯粒柔韌有勁，軟糯兼備，調味亦恰到好處，香口好吃。另外碟泰式炒金邊粉 ($58) 水準亦不賴，啲粉炒得很均勻，入口酸酸甜甜，帶微微濕潤，味道恰如其份。配料除了幾隻大蝦外，還加入了豆乾、芽菜、蛋絲等，撈上花生碎，再灑一點青檸汁吃，口感很不錯。飲品揀咗龍眼冰同泰式奶茶，龍眼冰好足料
琴日去芬尼街買咖喱羊肉飯做晏晝，離開時發現原來轉角位仲有另一間新舖未幫襯過，趁今日假期，就嚟試下 呢間主打泰菜嘅「泰金香」。
餐廳離鰂魚涌港鐵站好近，兩分鐘路程左右，交通十分方便。店內地方不大，佈置簡潔，座位不多，但環境尚可。
先睇下餐牌，餐廳午市有套餐供應，共有 9 款，劃一價 $58，全部套餐都包飲品，有泰式奶茶、龍眼冰、泰式青檸茶及汽水可以揀，+$18 仲可以配小食一款。如果唔想食飯或炒金邊粉，亦可以吃泰式湯麵餐，選擇非常豐富。
我哋揀咗兩個午市套餐，泰金香海南雞飯、泰式炒金邊粉；啲餐碟很精緻，令人心情愉悅，增添食慾，好，馬上開餐！
泰金香海南雞飯 ($58) 率先送上，賣相很不錯。雞件分量十足，肉質嫩滑，入口軟腍有雞味、而雞皮亦爽薄不肥，蘸泰式酸辣醬吃，別有風味。雞件旁邊有青瓜作配菜，醒胃解膩。油飯也很對辦，飯粒柔韌有勁，軟糯兼備，調味亦恰到好處，香口好吃。
另外碟泰式炒金邊粉 ($58) 水準亦不賴，啲粉炒得很均勻，入口酸酸甜甜，帶微微濕潤，味道恰如其份。配料除了幾隻大蝦外，還加入了豆乾、芽菜、蛋絲等，撈上花生碎，再灑一點青檸汁吃，口感很不錯。
飲品揀咗龍眼冰同泰式奶茶，龍眼冰好足料又夠清涼；奶茶口感順滑、甜度適中，兩杯飲品都係跟餐送嘅，唔需要額外加錢，十分抵飲。店子雖小，但店員服務不差，唔該前、多謝後，絕對值得返兜。
張貼
