影片
更多
2022-10-10
40 瀏覽
之前有youtuber 介紹過鰂魚涌有好幾間好食既馬來西亞/新加坡菜, 我都試過, 今次食呢間算係新, 印象中開左唔夠一年!一入去見到晚市二人套餐，平日就$338, 假日就$368 - 包左前菜沙律、小食拼盤(8選3)、2客主食(12選2)、一客甜品(3選1)及2杯非酒精飲品及, 部分主食/甜品要額外加錢!- 前菜沙律 - 配左柚子醋, 開胃!不過我唔係好鐘意食酸, 所以我食左少少就請朋友食!- 小食拼盤 - 馬來沙嗲雞髀肉串 (2串) - 好香沙嗲味, 汁帶甜亦有唔少花生，雞肉好淋, 好惹味!馬拉盞一口蝦多士 (4件) - 好食, 多士好脆, 甜甜地, 蝦膠爽口, 好香口!馬拉盞魷魚圈 - 炸粉都薄的, 魷魚圈正常size, 脆脆地帶少少馬拉盞味!相對地, 蝦多士既馬拉盞出過魷魚圈!個人就鍾意食蝦多士>雞髀肉串>魷魚圈- 主食 -芝味咖喱海鮮焗飯 - 海鮮份量唔算少,種類有青口, 蜆, 蝦 & 魷魚. 咖喱好香, 又多芝士, 不過我唔食得辣, 我淨係試左少少, 其餘交由朋友發揮!濃香喇沙煙肉長通粉 - 我主力食呢道, 喇沙既辣點咖喱咁辣, 呢一道係fusion 菜,
一入去見到晚市二人套餐，平日就$338, 假日就$368 - 包左前菜沙律、小食拼盤(8選3)、2客主食(12選2)、一客甜品(3選1)及2杯非酒精飲品及, 部分主食/甜品要額外加錢!
- 前菜沙律 -
配左柚子醋, 開胃!不過我唔係好鐘意食酸, 所以我食左少少就請朋友食!
- 小食拼盤 -
馬來沙嗲雞髀肉串 (2串) - 好香沙嗲味, 汁帶甜亦有唔少花生，雞肉好淋, 好惹味!
馬拉盞一口蝦多士 (4件) - 好食, 多士好脆, 甜甜地, 蝦膠爽口, 好香口!
馬拉盞魷魚圈 - 炸粉都薄的, 魷魚圈正常size, 脆脆地帶少少馬拉盞味!相對地, 蝦多士既馬拉盞出過魷魚圈!
個人就鍾意食蝦多士>雞髀肉串>魷魚圈
- 主食 -
芝味咖喱海鮮焗飯 - 海鮮份量唔算少,種類有青口, 蜆, 蝦 & 魷魚. 咖喱好香, 又多芝士, 不過我唔食得辣, 我淨係試左少少, 其餘交由朋友發揮!
濃香喇沙煙肉長通粉 - 我主力食呢道, 喇沙既辣點咖喱咁辣, 呢一道係fusion 菜, 似係Cabonara但醬汁轉左喇沙, 首先, 喇沙真係超級濃郁, 月桂葉味好出同椰香味好重, 好掛汁, 係平時食喇沙湯再濃好多, 而長通粉煮得岩岩好, 有咬口, 長通粉同煙肉份量好多, 真係食唔哂...雖然好食!
- 甜品 -
自家製班蘭咖央多士, 個包厚身, 焗到十分酥脆，牛油凍得黎軟身, 外脆內軟係咖央多既精粹! 而且每一啖都有牛油同埋班蘭醬，絕對無偷工減料!好好食!!!
- 非酒精飲品 -
美祿山 - 朋友呢杯飲品真係肥仔, 哈哈! 餐廳好重手落左好多美祿粉, 係幾正, 同埋佢唔算好甜的!
檸檬薏米水 - 需知道, 呢一餐吸收左好多卡路里, 我要返杯小清新, 健康飲品解膩一下!
總括而言, 呢個set 係幾抵食同CP值都高的!
張貼
