影片
更多
2021-09-10
276 瀏覽
睇完戲去附近覓食，上次經過呢間「菠蘿仔」，已經被雪糕菠蘿包吸引左，原來餐廳專用鮮菠蘿入饌，有多款鮮菠蘿美食。鮮忌廉菠蘿包 拼瑞士雞脾 $48份量都幾大，仲好邪惡好吸引，tea time要share，晚餐食就岩岩好。菠蘿包烘熱，菠蘿皮保持香脆口感，味道甜美，已經超正。原來夾埋軟滑冰凍cream同新鮮菠蘿，味道口感都提升好多，菠蘿又甜又多汁，果肉豐富，係真正菠蘿包。瑞士雞脾，夠哂入味，甜度剛好，亦唔會太咸，肉質唔係好嫩滑，但未至於硬嘅，味道就好，但口感有進步空間。鮮菠蘿蕃茄焗豬扒飯 $68呢個都好夾，菠蘿同蕃茄焗豬，都係酸甜開胃，食完唔膩。個蕃茄醬汁好香，豬扒鬆軟微彈有咬口，同埋幾大塊，炒飯底所以特別香口同夠乾身，中間仲有拉絲芝士，好香濃惹味。焗菠蘿都保持多汁，好味又解膩。芝士玉子燒 $8追加小食就唔太吸引，甜蛋上放片裝芝士焗，味道麻麻地。兩個都係餐黎嘅，可加錢要特飲，我地緊係要特色野啦。特濃奶茶軟雪糕 +$18奶茶味好濃郁，茶濃奶滑，味道拍得住茶記飲開個d，上面仲加左軟雪糕，好滑溜甜美好奶香。鮮菠蘿沙冰 +$19沙冰打得細滑，甜度都調得剛好，有鮮菠蘿果香同酸甜味，仲有大大粒菠蘿果肉，真材
鮮忌廉菠蘿包 拼瑞士雞脾 $48
份量都幾大，仲好邪惡好吸引，tea time要share，晚餐食就岩岩好。
菠蘿包烘熱，菠蘿皮保持香脆口感，味道甜美，已經超正。原來夾埋軟滑冰凍cream同新鮮菠蘿，味道口感都提升好多，菠蘿又甜又多汁，果肉豐富，係真正菠蘿包。
瑞士雞脾，夠哂入味，甜度剛好，亦唔會太咸，肉質唔係好嫩滑，但未至於硬嘅，味道就好，但口感有進步空間。
鮮菠蘿蕃茄焗豬扒飯 $68
呢個都好夾，菠蘿同蕃茄焗豬，都係酸甜開胃，食完唔膩。個蕃茄醬汁好香，豬扒鬆軟微彈有咬口，同埋幾大塊，炒飯底所以特別香口同夠乾身，中間仲有拉絲芝士，好香濃惹味。焗菠蘿都保持多汁，好味又解膩。
芝士玉子燒 $8
追加小食就唔太吸引，甜蛋上放片裝芝士焗，味道麻麻地。
兩個都係餐黎嘅，可加錢要特飲，我地緊係要特色野啦。
特濃奶茶軟雪糕 +$18
奶茶味好濃郁，茶濃奶滑，味道拍得住茶記飲開個d，上面仲加左軟雪糕，好滑溜甜美好奶香。
鮮菠蘿沙冰 +$19
沙冰打得細滑，甜度都調得剛好，有鮮菠蘿果香同酸甜味，仲有大大粒菠蘿果肉，真材實料好好飲。
雖然餐廳環境同服務一般，但食物吸引又好味，而且主打鮮菠蘿入饌，岩哂夏天食，喜歡菠蘿嘅食友一定鍾意，價錢都合理。
張貼
