菠蘿仔食堂 (灣景廣場)

不用等，去到即取，將外賣取回家後，食物仍保持溫度，味道不錯，吃完無口喝，而且外賣包裝很好，感到這餐廳是用心經營，就算外賣，都不馬虎。我見這餐廳有好多食物可以選，價錢合理，值得去試。…查看更多

#搞串個pantry今次就去到天橋之城#荃灣 食嘢。呢度嘅天橋網絡🌁真係四通八達，呢間餐廳🍽️都係靠天橋都去到嘅。餐廳以菠蘿🍍為主題，有多種以菠蘿做食材嘅餐點。今次我哋就嗌咗牛油果蟹子沙律包配炸薯條($62)🥑、手打牛肉漢堡配炸薯條($89)🍔、軟雪糕菠蘿包($32)🍦。兩個漢堡嘅賣相望落一般般，麵包望落唔夠靚仔，生菜個樣都有少少影響咗個賣相😕。牛肉漢堡食落口有啲乾身，無乜醬汁，唔夠juicy🫠。而個牛油果蟹子沙律包就好少少，多咗啲沙律醬🥗，但味道非常普通，感覺就係將沙律放入兩塊包中間。而雪糕菠蘿包嘅包本身好硬好乾，雪糕就普普通通。反而就建議嗌鮮菠蘿茉莉冰茶🧉，嘢飲用上新鮮菠蘿，飲落口好fresh，幾好飲💕。漢堡店喺香港普遍價錢都較高，但呢度算係比較平😜，但質素就一般般🧐。大家有興趣可以試下。…查看更多

星期六出左荃灣行街，爸爸知道個女會揾食，一早睇定幾間舖頭，視乎當時位置再睇下食邊間TEATIME🍦🍮3個人點了兩個甜品，當坐一坐休息下✨紅豆芋圓仙草西米撈✨ 先上枱，小朋右眼裏只有一點了，二話不說就要食❤️大大碗，配料好豐富，三色芋圓煙韌有咬口，紅豆綿蜜，仙草嫩滑，不過整體食落略為甜左少少，一個人食會好膩直至 ✨芋圓軟雪糕芭菲✨ 上枱，亞女即刻推番個西米撈俾爸爸，❤️芭菲好有份量，真係睇見就開心大大個軟雪糕🍦，上面有黑糖漿，軟腍紅豆用煙靭三色芋圓拌住邊邊，下層有鮮忌廉同粟米片，最底層有仙草，口感層次勁豐富…查看更多

第一次幫襯,這間餐廳,比一般街邊的茶餐廳還差,要自己先在收銀台購買食物,才進入餐廳就座。而站在收銀處的店員,語氣態度冇禮 。查問有關餐飲的選擇,她以悔氣的態度回應！最後我購買了套餐,包含軟雪糕一杯。入座後,食物陸續送來,但主餐還未吃完,侍應在沒有詢問我們的情況下,便急於遞上軟雪糕,我完成主餐後,軟雪糕已溶了一部分！當時現場只有三枱客,根本有很多座位,還未滿座,也沒有客人在等候,何需急呢？此外,食物質素亦一般,尤其是那個牛肉壽喜燒,用一個不銹鋼鍋盆,下面沒有火爐,內裡的牛肉又厚又韌,多筋又多脂肪！另外,炸墨魚餅完全沒有隔油,整塊墨魚餅都鋪滿了油！下次不會再幫襯了！…查看更多

Originally I would like to go shopping at Aeon but I was so hungry so I got into this restaurant by chance. That was the most special baked pork chop with rice. You can find the pineapples in slices. Although it was a bit expensive, the amount of the rice is quite a lot. If you like sweeter things, it would be quite a good choice as the environment was good and the tomoto sauce was not sour!…查看更多

呢間菠蘿仔平時就成日食佢地既菠蘿包 主食真係第一次食🤔睇Menu見到$18x 有一盤炸物+烏冬+牛肉壽喜燒+飲品+雪糕 好似好抵食就即叫左黎試下以呢個價錢本身都唔預佢好高質但佢壽喜燒真係嚇親 上到黎係仲生既係個鍋度 但重點係佢唔係攞火滾住個種 係就咁放喺度就食問個店員 佢竟然話浸住就會熟😱但個鍋都無話好熱辣辣 不足以整熟個幾舊牛😰之前再同佢講先拎番廚房煮熟佢其他就普普通通 炸物如預計一樣是凍左的呢知價錢只為填飽個肚 份量真係十足 我地都食得好飽 但味道唔好預非常好食🫣…查看更多

📍菠蘿仔食堂一到夜晚荃灣周圍都勁多人，差唔多間間餐廳都排晒長龍😱有次落咗去AEON 最底層，見到有幾間餐廳，但嗰度竟然係冇乜人😌而其中一間就以菠蘿為主題，好似幾特別咁，決定去試吓先😆小食：🍠吉列紫薯餅 $13/1件🧀芝士玉子燒 $13/1件🥟日式炸餃子 $10/2隻🍗瑞士雞中翼 $10/2隻個吉列紫薯餅炸得香脆，味道甜甜哋夠晒開胃，用嚟做小食都真係唔錯👍🏻而其他嗰d就正常水準，冇乜特別la😌🍍菠蘿蕃茄豬扒焗飯 $69最吸引嘅係面頭嗰三塊燒菠蘿😍酸甜嘅新鮮菠蘿果然非常juicy，食緊嘅時候仲𣎴停咁噴汁😂而蕃茄汁就較為鹹，冇乜蕃茄味，反而有d似橙色汁😅豬扒尚算厚，而且都大塊，食落又唔算好乾💕炒飯底就濕咗d，亦冇乜蛋香味，𣎴過最特別嘅係入面加咗好多粟米粒，所以唔會太膩，感覺更健康😇焗豬當然唔少得面頭嗰塊邪惡嘅芝士la💗半熱熔芝士帶點焦香味，而且仲要鋪滿晒成個飯面，真係好正呀～🍜美國肩胛牛肉湯讚岐烏冬 $59牛肉份量多，而且每一塊都好大塊😬另外，牛肉呈粉嫩色，肉質亦較腍，但肉味方面就冇話特別濃郁😶至於讚岐烏冬口感煙靭彈牙，而湯底就鹹鹹哋咁，配埋粟米粒同爽口嘅海帶，令口感同樣非常豐富🫶🏻整體就正常水準咁la🐟蟹籽三文魚炒飯 $53呢碗飯真係超級大碗😱而且即叫即炒，所以一上枱就已經聞到香味la～炒飯入面除咗有蟹籽同三文魚之外，仲有大量粟米粒同生菜絲，而面頭亦落咗適量嘅芝蔴作簡單嘅調味🥰炒飯粒粒分明又夠鍋氣，同埋呢個反而食到濃郁嘅蛋香味，食落亦都唔算太油👍🏻整體口感豐富，配料份量十足，超級有驚喜呀～不知不覺間已經食晒成碗la🤭🍲壽喜燒牛肉鍋配白飯 $69見到呢鍋嘢真係嚇咗一跳，個size係超級大呀～d料同打邊爐一樣咁多🤩有大約八塊牛肉、蘿蔔片、不同種類的菇、豆腐、粉絲同埋菜，食完d餸都已經飽晒，仲點食到碗飯呀😅另外個湯嘅味道係鹹鹹甜甜咁，感覺都幾開胃。呢個真心真係好足料，超級抵食呀❣️❣️❣️🍍鮮菠蘿茉莉冰茶 $36每一啖都充滿菠蘿嘅香味，而味道主要係嚟自新鮮菠蘿，酸酸甜甜咁，絕對唔係糖水嘅死甜，夠晒清新解渴😚另外亦飲到微微嘅茶香及薄荷味，同埋底部有幾粒新鮮菠蘿㗎，絕對值得一試🙌🏻🧊鮮菠蘿沙冰 $38成杯嘢都勁冰，一開始都唔係好飲到，要等佢慢慢溶緊d先得🫠菠蘿味亦都夠突出，同樣唔會太甜，呢杯真係好適合喺夏天嘅時候飲呀😎✨整體嚟講，所有嘢嘅份量都勁多😆價錢合理，而且味道真係唔差，性價比高✌🏻另外菜式亦有好多選擇，連burger同甜品都有埋～下次有機會要試吓個菠蘿包先🤤⚠️所有特飲跟餐都係半價㗎～評分(最多5粒⭐️，✨為0.5）❣️味道：⭐️⭐️⭐️⭐️❣️環境：⭐️⭐️⭐️❣️服務：⭐️⭐️⭐️✨❣️賣相：⭐️⭐️⭐️❣️CP值：⭐️⭐️⭐️⭐️📍荃灣大河道88號灣景廣場購物中心永旺灣景店地下G01號舖❤️🧡💛💚💙💜❤️🧡💛💚💙💜❤️🧡💚如果想睇更多food review，歡迎follow IG @littlehkgirl_eat.all.day❣️…查看更多

🍽 菠蘿仔食堂 🥢雞扒菠蘿包配沙律 💰52📍以菠蘿🍍做主題既餐廳，菠蘿夠哂清甜唔錯，非罐頭📍雞扒包入面都有菠蘿，生菜，番茄🍅📍 菠蘿皮鬆脆，略帶空氣感📍沙律菜亦新鮮🥗📍飲品叫左熱檸茶，正常發輝，👩🏻‍💼叫左齋啡，反而有驚喜，一出餐已經聞到好香咖啡味☕️👭🏻評分: 🌕🌕🌕🌖🌑🥢牛乳雪糕🍦 💰20📍幫襯後用收據優惠價加購📍牛乳味重📍有冰感👭🏻評分: 🌕🌕🌕🌑🌑❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ 👭🏻推薦指數:⭐️⭐️⭐️…查看更多

今次又一個人行街買嘢，經過這間餐廳，又比佢嘅焗飯吸引，菠蘿仔已經不是第一次光顧，今次要寫下介紹吓俾大家，我在這間餐廳，通常都會食菠蘿蕃茄豬扒焗飯，因為他們用上新鮮嘅菠蘿，而且豬扒又腍，又有足夠嘅芝士，飯又唔會太乾，因為通常我到其他餐廳食焗飯，飯都會好乾，所以這個焗飯必食。另外，我亦試過照燒雞扒讚岐湯烏冬，鮮菠蘿咕嚕肉飯（我嘅至愛咕嚕肉，好好食）蟹籽三文魚炒飯（都有很多三文魚）。除咗肉食者，亦有素食系列，價錢大眾化，非常喜歡。…查看更多

同事介紹菠蘿🍍仔食堂啲野幾好食😋😋，今日放假就同🤴🏻試吓先😁😁🤴🏻叫嘅：～～～菠蘿🍍蕃茄🍅焗豬🐖扒飯～～～叫得菠蘿🍍仔食堂就梗係要試吓佢嘅菠蘿🍍嘢啦😆😆！面上有3塊熱嘅大菠蘿🍍酸酸甜甜，內裏有兩三塊中型size嘅豬🐖扒，質地鬆鬆軟軟唔會好韌☺️☺️芝士🧀都頗多，有拉斯效果😙😙上枱時見到細細盒都驚🤴🏻會唔夠食，但實際都幾深同埋份量係放滿嘅，所以🤴🏻食完都幾飽😝😝～～鮮菠蘿🍍沙冰～～～我覺得酸味大過甜味同埋稀咗D，🤴🏻就覺得啱啱好🙂🙂我叫嘅：～～～他他醬炸雞🐥沙律🥗丼飯～～～有沙律🥗、炸雞🐥、同飯嘅組合，我食曬D沙律🥗就已經有半飽嘅感覺😘😘炸雞🐥夠嫩滑，配上嘅他他醬亦唔輕手，差唔多可以撈飯食😅😅，我食完超級飽😂😂～～～荔枝烏龍冰茶～～～同菠蘿🍍沙冰一樣係半價加購嘅特飲，荔枝及烏龍味平均，正常OK😗😗…查看更多

行開呢到，找晚餐吃。見到呢間又有粉，又有飯又有burger食，都多選擇。點了1魚柳包餐2照燒雞扒烏冬3菠蘿古魯素肉飯配檸檬水，檸檬茶，咖啡。魚柳包有兩塊魚柳，好足料，仲有一塊新鮮菠蘿，兩塊大蕃茄，加薯條，好滿足。個烏冬好一般，個素飯好好味…查看更多

31-7-2022 (Sun)同老公睇戲前食個早午餐,呢個時候有啲café開咗,有啲未開,我哋邊行邊諗,原本諗住去大會堂地下嗰間,點知未開,老公記得AEON地下都有間我哋食過兩次嘅呢間(上次食評係2022年1月31日刊登嘅呢篇: https://www.openrice.com/zh/hongkong/r-%E8%8F%A0%E8%98%BF%E4%BB%94%E9%A3%9F%E5%A0%82-%E8%8D%83%E7%81%A3-%E6%B8%AF%E5%BC%8F-%E9%BA%B5%E5%8C%85%E5%BA%97-r674766/reviews),於是行嚟睇,見到都開咗門,睇吓嘢食先,有菠蘿油配瑞士汁雞髀,咁就試吓啦.最後我哋要咗:2. 跟餐加$18.00嘅鮮菠蘿茉莉冰茶茉莉茶味係有同清淡,舒服嘅.味道:4分3. 跟餐加$19.00嘅紅豆冰軟雪糕軟雪糕份量正常,味道唔算好濃,之後溶入紅豆冰中,成杯都唔太甜,紅豆夠腍.味道:4分1. $44.00嘅菠蘿油配瑞士汁雞髀大大個菠蘿包烘熱咗,表面脆,牛油就係一片,菠蘿包本身味道同我哋喺港式茶餐廳食開嘅唔同,有啲似麥芽嘅甜味?味道:3分瑞士汁雞髀唔算好大隻,亦覺得呢啲嘢應該冇乜問題,點知一食,好鹹,係超鹹,鹹過29號晚食到嘅豉油雞,而且佢嘅肉又乾又嚡,完全唔掂.味道:0.2分4. $53.00嘅沙爹牛肉出前一丁餐配煎蛋火腿同牛油蜜糖多士老公大讚個麵煮得啱啱好,軟硬適中,沙爹湯香濃,而牛肉我毫覺得好嚡,老公話係正常,間間茶餐廳煮嘅都係咁.係咩?我記得我試過有啲係滑個喎.味道:3.5分煎蛋火腿同牛油蜜糖多士,上枱時,半生熟嘅蛋黃𠺘吓𠺘吓,火腿超鹹係正常,牛油蜜糖嘅份量啱啱好,多士都脆,OK嘅.牛油蜜糖多士味道:5分抵食係2.5分…查看更多

早前經過荃灣aeon，見到有間唔太起眼嘅菠蘿仔食堂🤫本身都無咩期望，單純止下口痕，點知又幾好食😍性價比仲好高！📌菠蘿豬扒包(連飲品及薯條)F4 $52新鮮出爐嘅脆皮菠蘿包香味特別誘人，菠蘿包上桌時熱辣辣，麵包面呈金黃色，賣相飽滿。餡料有大大塊豬扒、生菜、大片新鮮菠蘿、沙律醬等😍豬扒咬落薄身軟腍，油份滲入麵包中，配埋新鮮即炸嘅薯條相當滿足😎絕對係下午茶之選。📌鮮忌廉菠蘿包 (連飲品)F2 $35與其話係麵包，不如話係甜品😳呢款菠蘿包中間夾雜著甜甜嘅涷忌廉及一粒粒新鮮菠蘿，食落一冷一熱🤣好過癮！…查看更多

成日都想食平啲但又想食好野無乜budget時唯有周圍試下平價嘅餐廳係荃灣Aeon入邊見到菠蘿仔 未食過都未見過菠蘿仔分店 價錢係茶餐廳價錢 平平地望落又幾吸引 仲有甜品食不過今次黎係求醫肚無食甜品一人嗌左一個飯 其中一個係素食餐具都幾順眼 一套靚餐具會為美食生色不少飯夠量 菇量都好多 有淡淡蒜香味 三色椒甜爽唔會overcook 不錯 而且唔會太咸牛肉壽喜燒配飯都幾驚喜 好多牛肉好多料 牛肉生熟岩岩好 仲有蔬菜係壽喜燒入面 好有營養好均衡茶餐廳價黎講做得唔錯 可以Encore…查看更多

28-1-2022(Fri)喺呢喥買外賣,等嘅時候睇吓佢嘅賀年油器,見到有蛋散至記起冇買呢樣,咁我用$100.00買兩筒蛋散同一筒油角啦.到29-1-2022 (Sat)晏晝,打掃完,就忍唔住食油角,呢個一筒有8個,係脹卜卜嘅,個皮都算鬆脆,椰絲同花生餡料係微甜,OK 嘅.味道:3分31-1-2022(Mon)年廿九攪掂晒過年嘅嘢後,就開蛋散食,呢個比以往食過嘅薄,好脆口,南乳味道唔太濃太鹹,又唔覺膩,舒服啲嘅.味道:4分上次食評係1月31日刊登嘅呢篇: https://www.openrice.com/zh/hongkong/review/%E4%BB%8A%E6%AC%A1%E5%94%94%E6%8E%82-e4316155…查看更多