家賀屋刺身寿司專門店

為預祝男朋友生日，我地就去左家賀屋到食個晚餐。佢係位於1樓，可以搭𨋢或者行樓梯都得。而我地就揀左搭𨋢，一出𨋢見到好多人等位，完全無諗過8點鐘灣仔樓上舖都咁旺。佢個門口裝潢得好靚好有日本格調，我係等走既時間無人等位去影既。見到好多人推薦大吞拿魚刺身，我地就嗌左3件黎試下。好似係我人生第二次食拖羅，第一次係我上次去日本食，雖然呢個唔夠日本嗰個好食，不過佢幾乎係入口即溶。個三文魚腩都好好食，好肥美，好鮮甜。男朋友最愛之雞翼，佢入面係餃子餡，好特別。不過我嫌個汁太杰，如果個汁無咁杰應該會幾食味。芝士鰻魚卷好好味，芝士同鰻魚個味好夾，加埋個燒汁巿真係超好食。仲有好抵讚既係啲鰻魚無骨。呢個薄燒牛舌又係勁好食，每一塊都會有黑椒粒調味。雖然會個味會濃左少少，不過食落係好味既。同埋佢叫薄燒牛舌，但我覺得一啲都唔薄，咬落好有口感。男朋友第二最愛，呢個唔知咩名堂。初初見到佢，會覺得唔係咁好食，但係試左一塊之後就覺得好好味。呢個魚食落好鮮甜，好有咬口。終於到我的最愛——特大赤海蝦壽司，真係好大隻蝦，都幾厚，好鮮甜。青龍係類似炸蝦卷，賣相好靚，新鮮整好，熱辣辣。食落又係好正，脆卜卜，點埋個沙律醬好好味。呢個芥末