順德公漁村河鮮酒家

營業中

休息中

傳統嘅河鮮酒家已經唔多，喺佐敦偉晴街呢度，可以話係佐敦嘅馳名美食之一。呢度唔收茶錢真係好好啊，已經好少有茶飲既茶樓係唔收茶錢，而且枱上面仲有啲令人食完好開胃嘅酸欖，真係有呢款野食嘅餐廳都買少見少。我哋食咗四人餐裏面嘅咕嚕肉，呢度嘅咕嚕肉同出邊嘅餐廳有啲唔同，因為佢嘅雞件全部好大塊，唔會加好多麵粉去炸，加上有好足料嘅三色椒，炒得好香好脆，三色椒嘅水份鎖得好緊，每一舊都好新鮮，成碟餸都好光鮮，色澤亮麗。另外仲叫咗佢哋呢度嘅金牌得獎作品污糟雞，本身想睇下佢究竟有幾污糟，哈哈！反而同我想像嘅差別好大，佢裏面用咗好香嘅榨菜，一揭開錫紙有好香嘅燴雞味，裏面仲有好多大蒜同大葱，口感好辛。最後待應頓時將我哋塊枱布拎走，變身成為食魚嘅火鍋煲，成條魚放入湯裏面，仲可以加薯粉米線，真係好吸引。魚夠晒新鮮睇住佢喺魚缸拎出嚟，仲有專人幫我地分埋魚，零舍體貼就佢叫我地小心啲骨，因為都幾多。每人約＄300，還可接受。