漁獲浜燒 (已結業)

喺咁易呻吓話好耐無食浜燒啫，呢日亞女就帶我嚟呢間食，有女真好，抵錫😘鈴鹿川 純米大吟釀亞女喺飲得之人，佢話食浜燒點可以無酒，所以就叫咗呢支純米大吟釀，入口帶有果香微甜的感覺，飲落有回甘嘅餘韻，酒精濃度唔高，幾易入口，最啱配搭海鮮或刺身芝麻鹽醬椰菜芝麻鹽醬夠惹味，椰菜亦十分脆口刺身盛合五款有三文魚、油甘魚、拖羅、牡丹蝦同馬糞海膽，魚類刺身件件厚切，非常新鮮甜美；牡丹蝦肉質鮮甜，蝦膏豐腴甘香；馬糞海膽味道甘甜，食時可用紫菜包裹同食漁獲浜燒盛合及活日本響螺浜燒漁獲浜燒盛合有蠔、松葉蟹腳、珍寶大蝦、鮑魚及活帆立貝蠔肉燒至半熟，入口creamy松葉蟹腳啖啖肉，鮮甜十足珍寶大蝦肉質扎實爽脆，口感彈牙鮑魚肉質爽口彈牙，燒得剛剛好活帆立貝採用清酒(上)同牛油(下)兩種煮法，各有喜好，個人喜歡牛油夠惹味活日本響螺浜燒，螺肉切片加入清酒海帶同燒，肉質爽彈，湯汁鮮甜帶酒香甜品半殼椰子雪糕，椰子味濃，口感軟滑;朱古力窩夫，外層軟綿煙韌，朱古力夾心香濃幼滑