蟹仙海鮮蒸氣鍋 (仁愛街) (已結業)

無得北上，朋友生日搵左間煎海鮮過下口癮，呢間係蟹仙總店，職員阿姐話佢地老細自己批海鮮，樣樣都好新鮮。我地就叫左個399餐再升級左隻龍蝦。職員開始前會高溫蒸餐具消毒，之後就俾調味架整鼓油，放左個粥底後，海鮮陸續上場啦。北海道元貝，剛剛熟，好鮮甜。越南虎蝦，好爽又啖啖肉。刀貝同青口就好鮮好海水味。日本蠔好creamy呢，壓軸琵琶蝦，龍蝦，真係爽口同鮮甜，琵琶仲有獨立的鮮味，形容唔到，食過就知琵琶蝦點解賣咁貴，因為都係野生，同埋量少，而味道真係比龍蝦再多一份鮮甜。最尾再拆蟹，好多膏，好正。拆緊蟹個陣個龍蝦同琵琶蝦殼就放落粥底煲多陣。食完蟹再黎個粥，加埋蔥花菜脯，正正！又鮮味又香。食完兩碗粥都好飽，阿姐話仲有甜品，雪燕椰汁燕窩，唔期望有真燕，因為分唔到，不過食完成餐好滿足，又胃王朋友驚唔夠，但最後都滿載而歸，佢話好飽。全程職員都會幫你放落去蒸同埋夾俾你，咁多枱都有點辛苦，不過佢地都依然好好態度。