影片
更多
2017-06-17
3721 瀏覽
朋友新居入伙，當然要幫手－－打電話啦。啱啱好趕得切送貨時間就成班一齊去食個入伙飯，賀一賀佢。費事行咁遠就係佢屋企附近嘅酒樓開餐。本身係門口見啲龍蝦大大隻又生猛咁，諗住柯打返一兩隻黎慶祝一番。但係侍應啊姐極力游說又話長腳蟹做緊特價，又話好靚好肥美咁，我地就把心一橫轉食長腳蟹。反正有屋主係度一於有大食大！！前菜先黎個例牌燒鵝皇，皮脆肉嫩油脂豐富。鵝脾下仲鋪左幾舊肥瘦均勻嘅叉燒，同埋本身嘅燒汁完全帶起左兩樣燒味嘅味道。蒜片牛柳粒略嫌乾身但香口，個味同下面嘅芒果啤酒好夾。有少少酒味嘅芒果啤，唔會好甜但好香芒果味。蒜茸粉絲蒸帶子，因為帶子開邊嘅關係所以感覺個分量非常之多，蒸嘅火候啱啱好入口爽嫩，同埋面頭有嘅炸蒜茸搭配，令粉絲十分惹味。蒸蟶子皇。爽口彈牙又無沙。正。今晚主菜，巨型阿拉斯加長腳蟹。因為揀左凍食，所以上枱時間要等一陣。完全無得彈，肉質鮮甜飽滿一啲腥味都無，食原味唔使任何沾醬就係佢最好嘅食法。連關節位嘅肉都好飽滿，真係無個部位都無得彈。食左咁多肉，梗係要配返啲蔬平衡一下，雜菌浸時蔬用左上湯黎煮，所以好鮮甜。同埋好啱用黎清下成餐嘅飽滿感。最後每人一個香滑芒果布甸，為今餐入伙酒劃上完美句號。
本身係門口見啲龍蝦大大隻又生猛咁，諗住柯打返一兩隻黎慶祝一番。但係侍應啊姐極力游說又話長腳蟹做緊特價，又話好靚好肥美咁，我地就把心一橫轉食長腳蟹。反正有屋主係度一於有大食大！！
前菜先黎個例牌燒鵝皇，皮脆肉嫩油脂豐富。鵝脾下仲鋪左幾舊肥瘦均勻嘅叉燒，同埋本身嘅燒汁完全帶起左兩樣燒味嘅味道。
蒜片牛柳粒略嫌乾身但香口，個味同下面嘅芒果啤酒好夾。
有少少酒味嘅芒果啤，唔會好甜但好香芒果味。
蒜茸粉絲蒸帶子，因為帶子開邊嘅關係所以感覺個分量非常之多，蒸嘅火候啱啱好入口爽嫩，同埋面頭有嘅炸蒜茸搭配，令粉絲十分惹味。
蒸蟶子皇。爽口彈牙又無沙。正。
今晚主菜，巨型阿拉斯加長腳蟹。因為揀左凍食，所以上枱時間要等一陣。完全無得彈，肉質鮮甜飽滿一啲腥味都無，食原味唔使任何沾醬就係佢最好嘅食法。連關節位嘅肉都好飽滿，真係無個部位都無得彈。
食左咁多肉，梗係要配返啲蔬平衡一下，雜菌浸時蔬用左上湯黎煮，所以好鮮甜。同埋好啱用黎清下成餐嘅飽滿感。
最後每人一個香滑芒果布甸，為今餐入伙酒劃上完美句號。雖然話就話有大食大，但最後我地都夾返少少俾新屋主話晒今餐都幾甘架。
張貼
