魚事者 (威德閣)

營業中

休息中

魚🐟全部都係魚⁉️掃街有堂食👍🏻正呀🤩其實有隱藏豬🐷同雞🐔之前係旺角掃街食過買外賣，今次竟然俾我發現原來屋企附近有間，仲有堂食⁉️即時去幫襯，唔使返去煮飯😂呢間真係好抵食，叫到成枱都係$300蚊都唔洗，大部分野都係魚做，不同嘅形狀同口味。每款十零廿蚊既小食，可以試多好多款。魚湯翡翠苗，非常清爽。炸魚皮扮墨西哥片，配牛油果蕃茄，又脆又fresh 🥑烏卒卒炸魷魚撈麵（黑椒味），香辣嘢未夠晒飽肚。魷魚炸到脆卜卜，脆粉好香。排名不分先後，CP值爆棚，小食包括：魚🐟類炸魚薯條，黑白鴛鴦春卷，炸魚狗腸（芥末味）非魚類椒鹽花枝丸，脆皮豬手（好香脆），明太子玉子燒每類都好好味，有啲係跟餐加錢（$1x)可以食到，細細份，可以叫多幾款試。有啲正常價錢($2x-3x)，好抵食已經大大份👍🏻重要有位坐，堂食同外賣都可以㊙️外賣仲全日有九折，贏晒啦💯推薦度（10👍🏻滿）：8.5👍🏻滴汗度（10😅滿）：不適用衞生（10⭐️滿）：8.5⭐️環境（10⭐️滿）：8.5⭐️賣相（10⭐️滿）：8.5⭐️味道（10⭐️滿）：8.5⭐️價錢（10⭐️滿）：8.5⭐️服務（10⭐️滿）：8.5⭐️地點（10⭐️滿）：8.5⭐️［魚事者 (威德閣) (北角)］