魚蛋哥

營業中

休息中

好多時都經開旺角，今次記得有魚蛋哥又有少少肚餓就走咗去食嘢，入到去發現車仔麵無論面底 、配料、汁都超多選擇，亦都有魚蛋燒賣腸粉等等嘅港式小食。我叫咗一碗碗仔翅、豆漿、混醬腸粉、魚蛋、燒賣、同埋一碗車仔麵。車仔麵麵底要米線，配料揀咗冬菇、牛柏葉、辣辣魚蛋 、豬皮。魚蛋及豬皮都超彈牙爽口，而且份量好足，牛栢葉就有趙口但絕對唔靭，冬菇就超入味，而米線亦都好滑好爽口，成個車仔麵值10分 。混醬腸粉絕對值得推介，甜醬、麻醬都好到位，最緊要個腸粉夠熱同埋夠滑，加埋芝麻食，d兒時回憶返曬嚟。燒賣入面嘅魚肉亦好新鮮好好味，點埋秘製豉油食一流。碗仔翅入面亦都好足料，加埋醋及麻油，對於鍾意食碗仔翅嘅我嚟講真係食到停唔到口。