影片
港鐵旺角站 C3 出口, 步行約1分鐘
繼續閱讀
電話號碼
26385060
營業時間
今日營業
07:00 - 22:00
星期一至日
07:00 - 22:00
公眾假期
07:00 - 22:00
公眾假期前夕
07:00 - 22:00
以上資料只供參考, 請與餐廳確認詳情
食家推介
招牌菜
一入去已經有位，唔洗等。始終係鬧市，環境相對地都比較嘈。到落單個陣，我地填咗張車仔麵紙，仲想另外叫啲野食。阿姐一野拎咗張紙就想走咗去😂無理我地仲要唔要其他野，要叫佢返返黎。見到另一個人（類似老闆娘）打單。整體服務個feel伏伏地，所以我地之後有即刻對單，真係落漏咗個野飲（本身用紙仔剔咗一個凍咖啡一個熱豆漿）。但算啦，都係一陣出去叫其他野飲算。蠔皇冬菇清甜蘿蔔咖哩汁河粉 $31食物黎到都中規中矩。河粉係我想食個種，又軟又薄。蘿蔔唔苦但亦唔甜，普通烚熟咗咁。冬菇幾有味，係由乾冬菇浸發出黎醃過。個咖哩汁都惹味，湯底溝稀咗就唔算好濃。無其他咩韭菜芽菜嘅配菜。總括黎講清清地。皇牌咖喱魚蛋6粒 $10 + 混醬腸粉8條 $32咖喱魚蛋確係好食，彈牙有咬口。重點個汁夠入味，少少辣但唔太食辣嘅人都覺得食得到。混醬腸粉啲醬非常足夠滑捋捋叫車仔麵可半價叫野飲 凍香濃咖啡 $9呢杯夠凍，但對我黎講太甜啦呢間野嘅賣點就係比較抵，地點算方便，朗豪坊後面過條馬路就係。
繼續閱讀
是但求其食，周街行就行到嚟呢間小食麵店，平時嘅街頭小食到潮州粉麵都有，價錢唔貴糯米飯唔係大家平時食開果種，有少少新奇，花生、蔥、蝦米碎、菜脯，最後淋上豉油，味道OK混醬腸粉4條OK啦，佢腸粉質素算高，到爽彈少少更好，醬汁好足夠雲吞麵4大粒，粒粒都有蝦肉，好爽好食
繼續閱讀
每項1分都比多你 如果有負分揀 我負爆你地🙄平時好少打食評，呢間魚蛋哥買過幾次早餐，次次都係咁嘅問題，真係忍唔住上嚟比個差評佢🤬每次買腸粉早餐，已經提前同落單店員講「少豉油、少甜醬、多麻醬」，以往幾次就算落單講左，都睇到整腸粉果位呀姐係完全唔睇客人要求，一式一樣機械人咁落醬，今次唔知第幾次專登佢整嘅時候企喺佢前面講多次：我要少豉油多麻醬（驚老人家無記性 我都費事講多一個少甜醬）點知呀姐對耳仔好似閂埋左咁 佢有佢做 你有你講，由於我買嘅係燒賣腸粉，呀姐剪完啲腸粉落左一羹豉油、甜醬麻醬，跟住夾完燒賣 佢竟然再補多羹豉油😡，我即刻叫住佢：我要少豉油喎！佢都係無理我，我再講多次多麻醬，佢就態度好差咁話：落一羹比你好多㗎啦！心諗乜你都知一羹多，你仲落兩羹豉油比我？🙄啲麻醬又稀到水咁，一啲麻醬味都無，啲豉油多到浸水咁，職員態度又差 ，真係唔會再幫襯😡
繼續閱讀
女職員定唔知老闆娘態度惡劣，經常同男顧客傾偈唔做野。早餐買腸粉想加杯凍飲，問佢加幾錢又答唔出，但就自己同我篤機收錢。最後仲要好攪笑話唔小心剪多左腸份比我，要收貴d🙄 如果佢好禮貌，平時既我一定冇所謂，但佢態度咁差，我即刻同佢講：「咁你幫我拎返出黎，我唔會加錢。」買個早餐都要受氣，寧願唔食👎🏻同埋店入面既人從來唔會講「歡迎」「多謝」「BYEBYE」，如果你地食個早餐都想受氣既，一定要去旺角魚蛋佬☺️
繼續閱讀
有日喺度食早餐，叫左個餐食同叫左杯熱豆漿飲。點知飲飲下先發現杯邊度有紅色唇膏印💄！！我用紙巾輕輕抹就抹得甩，好明顯就係冇洗杯！！我同個女職員投訴，但佢完全係愛理不理既態度，乜都冇做😤最少都可以say 個sorry唔好意思，幫我即刻換個杯掛？但完全冇！！如果唔係因為趕住返工要走，我真係會投訴落去🤯食物又難食自此以後，我都冇再幫襯過！就算佢地點幾方便都好，但呢間野衛生惡劣，員工態度差，食物質素差，千祈唔好幫襯🤮
繼續閱讀