魚蛋哥

營業中

休息中

今日行旺角見到間有港式懷舊小食的「魚蛋哥」，店內乾淨整齊，同平時食街邊小食感覺唔同，坐得更舒服，但可以食到懷舊小食的味道，而且係更加美味。個人特別推介碗仔翅（三溝）及油渣麵。三溝（碗仔翅、魚肉、生菜）$27超級無敵好食，估唔到咁正。質地唔會好杰，食落順滑唔膩，好真材實料，肉絲幾多，魚肉係粒狀，有咬口又彈牙，肉感滿滿，仲有必加辣菜脯，微辣爽脆令味道提升。還可以加胡椒粉、醋、麻油，味道更豐富。香脆油渣麵 $34唔係度度都有得食，仲要乾淨賣相好。豬油渣炸得香口脆卜卜，由於已經炸走肥豬油，所以唔會覺得油膩，反而好有豬油香，浸埋湯麵食，也好香口，個麵好多配料，有冬菇、火腿、蔥蒜、辣菜脯......口感豐富，食落好有懷舊風味，上海麵仲好腍滑。炸魚皮 （小）$22炸魚皮配麵食一流，魚皮夠薄卜卜脆，炸得夠透，所以好脆口，份量仲幾多。皇牌咖哩魚蛋（六粒）$8咖哩汁唔會好濃稠，感覺幾light，有秘製辣汁都幾辣幾刺激，好彩辣味快散去，魚蛋大粒又彈牙，魚味幾重。滋味炸雞翼 （三隻）$18雞翼有份3隻或5隻可選，醃得入味，咸度剛好，炸得香口唔乾身，配埋d炸蒜，真係又香又惹味。咖哩魷魚、牛柏葉、豬皮 $28咖哩

好耐無掃街，難得黎開旺角都好想食下街邊嘢，不過疫情問題覺得企係街食又驚驚地，結果比我哋遇到呢間有得坐低食既小食店！望落環境都乾淨企理，可以放心食啦！原本諗住食下魚旦燒賣，點知佢都幾多款式，連車仔麵都有，結果越叫越多：1.大胃王車仔面餐（$53），份量很大碗，有兩粒大鮮蝦雲吞，兩隻滷水雞翼。魚蛋豬皮蘿蔔都好入味！本身有個酸辣湯底可揀，但怕辣就無揀，揀咗大地魚清湯加腩汁，味道不俗。2.牛魔王面餐（$39），有五香牛肚、牛丸、牛柏葉和生菜，同樣係大地魚湯底加牛腩汁。牛肚好淋身，牛丸和牛柏葉都爽口3.碗仔翅+魚肉（兩溝)（$24），碗仔翅足料較潔杰身，都幾大碗，魚肉切成顆粒比較特別，同一般一條條的不同。4.滋味炸雞翼（$28/5隻），很香口好好味！5.豬皮魚蛋蘿蔔（$24 ），間鋪叫得魚蛋哥，魚蛋當然不會令人失望，可選擇辣或者不辣，都爽口彈牙，蘿蔔好清甜，豬皮彈牙。6.魚肉燒賣（$8/5粒），燒賣好味，感覺魚肉足料，不會太多粉！

假期前永遠都係飯局既最佳時間，因為可以慢慢食，刷餐勁😁 但好多餐廳或者放題係假期前收費都會比平日貴😢而今日正正就係假期前夕，仲要糧尾既關係，我同同事就決定今日要睇住荷包搵好野食💸我係其他朋友得知旺角有間平價港式鋪頭，而且又近朗豪坊同港鐵站，食完仲可以行下街，所以就決定去食啦😀到達門口睇過餐牌，食物同價錢都好符合我同同事既要求，二話不說就坐低😌雖然身處糧尾既困境，但價錢真係好平既關係，我地都叫到成枱野，俾大家睇張全家幅🔹豬八戒麵有豬紅，豬皮，豬大腸，配上米線，湯底選擇了大地魚湯+沙嗲汁豬皮豬大腸索哂湯入哂味，沙嗲湯又濃又夠味，抵讚👍🔹牛魔王麵有牛肚，牛柏葉，牛丸，生菜，配上米線，湯底選擇了大地魚湯+咖哩汁牛肚，牛柏葉唔韌好淋，牛丸爽口，咖哩汁又夠香，好味👍🔹滋味炸雞翼炸蒜蓉配上炸雞翼，熱辣辣好香口，個人貪心覺得再多d炸蒜會更加好味😂🔹厚切煎釀三寶真係好大件，一件等於街邊檔兩件，咬落去填滿個口，好幸福🤣🔹兩溝（碗仔翅+魚肉）碗仔翅食落無平時出面食開既咁濃又重味，唔會食到口渴，想重味d可以自行加醋，魚肉細細粒食落好舒服😌🔹混醬腸粉腸粉鋪上大量芝麻，加上大量醬汁撈埋一齊，每一舊腸粉都見唔到白色