影片
更多
2014-04-05
1339 瀏覽
魔鬼甜品早前男友人LKH約女友人DC,男友同我上佢屋企食晚飯,最後約o左尋(4-4-2014 Fri)晚,我知道有10個人後,就買啲甜品上o黎啦,買邊間o既好?美心東海堂o個啲?唔好喇.唔…cup cake,舊年啲同事走係咁請食cup cake,我記得銀城廣場有間,於是行去睇,$18.00一個正常size o既,而賣剩o既花唔多亦普通,且cup cake作為飯後甜品可能會太heavy,都係泡芙吧,泡芙雖然大舊但冇咁滯.好,行去朗豪坊地庫搵,o黎到,剩返o既款亦唔多,價錢由$16.00-$19.00不等,我揀o左只剩一件o既士多啤梨,兩件芒果,兩件北海道牛乳,兩件朱古力曲奇,兩件黑朱古力同一件朱古力脆皮,合共$184.00.我o地食完飯後就拎出o黎食喇,大家一窩蜂攞o黎食(所以冇影相),最後我攞o左朱古力曲奇食,佢o既cream好滑唔太甜,泡芙口感亦鬆脆.而因為LKH細女呢晚仍要上堂,咁就剩返一件士多啤梨,點算呢?個個都話唔食,雪住佢?會唔好食o架,攞刀切開佢啦,LKH太太切開四份,佢自己食一份,我同男友又各自食一份,原來…士多啤梨泡芙係一般,冇咁好食.而最後o個份迫o左DC食. 服務:
早前男友人LKH約女友人DC,男友同我上佢屋企食晚飯,最後約o左尋(4-4-2014 Fri)晚,我知道有10個人後,就買啲甜品上o黎啦,買邊間o既好?美心東海堂o個啲?唔好喇.
唔…cup cake,舊年啲同事走係咁請食cup cake,我記得銀城廣場有間,於是行去睇,$18.00一個正常size o既,而賣剩o既花唔多亦普通,且cup cake作為飯後甜品可能會太heavy,都係泡芙吧,泡芙雖然大舊但冇咁滯.
好,行去朗豪坊地庫搵,o黎到,剩返o既款亦唔多,價錢由$16.00-$19.00不等,我揀o左只剩一件o既士多啤梨,兩件芒果,兩件北海道牛乳,兩件朱古力曲奇,兩件黑朱古力同一件朱古力脆皮,合共$184.00.
我o地食完飯後就拎出o黎食喇,大家一窩蜂攞o黎食(所以冇影相),最後我攞o左朱古力曲奇食,佢o既cream好滑唔太甜,泡芙口感亦鬆脆.
而因為LKH細女呢晚仍要上堂,咁就剩返一件士多啤梨,點算呢?
個個都話唔食,雪住佢?會唔好食o架,攞刀切開佢啦,LKH太太切開四份,佢自己食一份,我同男友又各自食一份,原來…士多啤梨泡芙係一般,冇咁好食.而最後o個份迫o左DC食. 服務:
其實只係好簡單俾完錢等佢入盒,佢想一個盒入晒10件,之後好似senior啲o既見有人龍,即邊幫手邊話唔好夾硬塞,兩個用紙袋入,咁至解決件事.然後佢用一個大膠袋入俾我,放上櫃面後即轉身,面上紙袋跌落o黎,隔離半邊舖賣日本糯米糍o既女仔都即上前幫我放返好.謝謝!
題外話/補充資料：
呢o度除o左泡芙外,重新出o左乳酪夾餅,本來想試,但都係o個句,作為飯後甜品會heavy o左.
(以上食評乃用戶個人意見 , 並不代表OpenRice之觀點。)
張貼
