鬼金棒牛骨辣麻拉麵 (已結業)

鬼金棒姐妹店嘅鬼金棒牛骨辣麻拉麵一直想試好耐，增量牛叉燒辣麻牛骨拉麵試左中辣無麻，辣味到位又唔係太勁，配埋濃郁嘅牛骨湯都幾出，增量版都有成5、6件牛肉，生熟度岩岩好，食到最後都唔會話太熟，牛筋好入味好淋，幾好味！味玉辣麻牛骨沾麵就試左中麻中辣，加左麻就多左份香味，而且沾麵係用左粗拉麵，變相更加掛汁，個人認為辣度喺拉麵入面會出啲，所以如果叫沾麵可以加辣一度🤭 隻蛋好掂，流晒心咁，值得加的。小食種類唔算多，加多份餃子就更滿足。