酒津

營業中

休息中

想止下去日本旅行去居酒屋食嘢條癮，嚟酒津就啱晒，由環境、服務到食物都做到日本嘅質素海膽醬玉子燒 - 玉子燒口感順滑，多香滿滿，同略帶鹹香嘅海膽醬好夾，加埋三文魚子口感更佳牛油果松葉蟹肉軟殼蟹卷 - 壽司飯粒粒分明，軟殼蟹剛炸起，熱辣辣脆卜卜，同牛油果、蟹肉同蟹籽嘅配搭好夾，食起嚟好有層次牛舌、雞心、雞肝、黑豚腩 - 燒物做得好出色，口感嫩滑，鎖得實肉質，時間拿捏得好好，帶微微嘅焦香，自家製辣粉仲好好食添明太子飯團 - 面層燒到脆卜卜，明太子份量啱啱好，味道濃而不膩壽喜燒安格斯牛肉火鍋配稻庭烏冬 - 安格斯牛肉又香又濃，稻庭烏冬口感綿密，滿滿嘅火鍋料，新鮮蔬菜吸晒滿滿嘅壽喜燒汁，食得好滿足日本鮮奶布甸 - 造型好可愛，鮮奶味又香又濃，口感順滑，賣相同味道都一流裝修同佈置完全令大家有種置身日本嘅感覺，有好多唔同嘅鬼太郎餐具同擺設，又靚又得意，食物種類同款式選擇好夠，食得出酒津嘅用心同誠意，服務又親切，性價比好高，值得推薦