Catio (已結業)

有時候工作太心累或者生活有煩惱嘅時候就鍾意去貓貓cafe治癒一下心靈，之前去嘅貓貓cafe係只有飲品，難得今次朋友陪我去，我哋搵咗呢間喺銅鑼灣sogo附近嘅貓貓cafe，原來佢之前位於荔枝角，然後搬咗過嚟。對於一間貓貓cafe, 我對食物要求唔高，但呢度嘅食物高於我預期，比我想像中更多食物選擇。煙三文魚牛油果丼配柚子醋 $143估唔到貓貓cafe都做到丼飯，仲要質素唔差，份量十足！貓咪叫醒你全日早餐 $168放假就最適合食all day breakfast ，價錢偏貴但食物份量都合理。蜜桃紅茶（無糖）（凍）$64玫瑰茉莉花茶（安神調理）$48呢度嘅收費係每小時$78送飲品，如果嗌食物可以第二小時免費。平日中午同夜晚時間嗌套餐更可以免收入場費，做會員更有9折優惠，好適合貓奴們。不過整體來講，環境比荔枝角細咗，貓貓都比較內斂，但地點就好方便。