影片
更多
2021-12-11
34 瀏覽
鬧市中的異國風情🌯以往食越南嘢，食嚟食去都係食Pho🍜食到都有啲悶今次就一於試吓南越FUSION菜啦😋呢間位於旺角嘅NAM VIỆT NAM CAFÉ~又係一間令我意想不到容易影到靚相嘅餐廳📸𨋢旁已經係一大幅值得打卡嘅背景而餐廳主色調係綠色，真係好有異國風情feel所以我都特登襯返套稍為有民族風嘅連身褲~按照慣例，喺分享攝影小心得前，睇吓我哋食咗啲咩好嘢先啦：1️⃣五香豬腩伴窩巴（$60）豬腩畀人嘅感覺一向都好又肥又滯，所以呢度配咗酸酸哋嘅醬汁（味道有啲似丘比醬），令到嚿豬腩食落冇咁油膩，鍋巴非常脆口，微彈牙嘅豬腩肉形成對比，一啖咬落去可以享受雙重口感😆係一道幾別緻嘅小食2️⃣南越蟹肉醬配脆球餅（$68）呢個脆球餅係平時食印度菜會見到嘅Pani Puri，不過有別於印度風嘅薯仔同埋豆類餡料，呢度轉咗做南越蟹肉醬去做配搭，蟹肉醬好鮮甜，當中仲混合咗甘筍小粒，令到個甜味更多元化，仲會有爽脆口感，相比起印度風比較「滯」嘅薯仔同豆類餡料，呢道創新版嘅脆球餅更加容易令人愛上😋就算冒住可能會出紅點嘅危險，我都忍唔住想食多件3️⃣招牌金邊粉（$88）呢度嘅招牌金邊粉用咗牛尾、牛筋同埋牛肉片去煮，湯底唔算超濃，比
以往食越南嘢，食嚟食去都係食Pho🍜
食到都有啲悶
今次就一於試吓南越FUSION菜啦😋
呢間位於旺角嘅NAM VIỆT NAM CAFÉ~
又係一間令我意想不到容易影到靚相嘅餐廳📸
𨋢旁已經係一大幅值得打卡嘅背景
而餐廳主色調係綠色，真係好有異國風情feel
所以我都特登襯返套稍為有民族風嘅連身褲~
按照慣例，喺分享攝影小心得前，睇吓我哋食咗啲咩好嘢先啦：
1️⃣五香豬腩伴窩巴（$60）
豬腩畀人嘅感覺一向都好又肥又滯，所以呢度配咗酸酸哋嘅醬汁（味道有啲似丘比醬），令到嚿豬腩食落冇咁油膩，鍋巴非常脆口，微彈牙嘅豬腩肉形成對比，一啖咬落去可以享受雙重口感😆係一道幾別緻嘅小食
2️⃣南越蟹肉醬配脆球餅（$68）
呢個脆球餅係平時食印度菜會見到嘅Pani Puri，不過有別於印度風嘅薯仔同埋豆類餡料，呢度轉咗做南越蟹肉醬去做配搭，蟹肉醬好鮮甜，當中仲混合咗甘筍小粒，令到個甜味更多元化，仲會有爽脆口感，
相比起印度風比較「滯」嘅薯仔同豆類餡料，呢道創新版嘅脆球餅更加容易令人愛上😋就算冒住可能會出紅點嘅危險，我都忍唔住想食多件
3️⃣招牌金邊粉（$88）
呢度嘅招牌金邊粉用咗牛尾、牛筋同埋牛肉片去煮，湯底唔算超濃，比較清香，有微微青檸同埋好香Basil味，優點係啲牛筋、牛尾好夠林，牛筋近乎入口溶，缺點係太大碗😂一個人食唔哂
4️⃣NVN南越法式麪包（$78）
呢個南越法式麪包🥖又係有heart之作，佢主要用咗豬耳、札肉、甘筍絲同埋青瓜片做餡料，食落有多重口感，又係食完唔會滯好想繼續食嘅感覺
5️⃣斑蘭龍眼茶（$23）
呢款飲品嘅龍眼味好出！我勁鍾意！飲落唔會太甜！重點係揸住影相超有feel😆📸必叫！
6️⃣香茅蘋果茶（$23）
呢款就相對較清同淡口，唔算特別出色，不過食嘢前飲都幾refreshing
7️⃣Deep Sea Fantasy($68)
呢杯cocktail係buddy飲嘅，因為靚嘅緣故所以我哋叫咗😂🙈但原來面頭呢個波波只存在30秒，我快速幫佢影咗兩張寫真佢就消失咗，我諗如果要拎住影都真係有啲難度，要好好把握呢30秒，同埋手要定，揸機嘅人要手腳超快，呢杯cocktail杯邊係有海鹽，而成份係有Gin酒、海葡萄同埋紅石榴粒，飲落甜甜哋同埋少少鹹~
.
整體嚟講，呢度無論環境定食物都令人滿意，如果平時都鍾意食越南嘢嘅話一定要試吓，會畀到你一種全新體驗😆
📸影相心得小紀錄：
我哋準時12點一開鋪就到，所以可以揀到窗口位坐😍一放低晒行裝，我哋就叫嘢食，一叫完嘢食就趁冇乜人嘅時候去𨋢口影相，建議真係一定要叫斑蘭龍眼茶，拎住影相真係一個好好嘅道具！唔洗唔知隻手擺邊好😆然後坐返喺窗口位，係一個少少難度嘅影相位，因為背光原因，建議大家可以打一打燈，咁樣影出嚟塊面就唔會黑，仲會影到好似去咗旅行咁添
.
🌯NAM VIỆT NAM CAFÉ (旺角)
📍旺角彌敦道726號1樓
張貼
