影片
更多
2016-03-08
449 瀏覽
同幾個同事出街幫公司做野做到晏都無時間食，正當想搵野食，就見到兔仔金百利店新開張~當然我地唔會考慮太多，直接去食~新店位於金百利商場3樓，其實有電梯，不過我地唔係好想排隊，所以……都係選擇一層一層轉扶手電梯上去~到達門口，發覺裝修同另外兩間有少少唔同，比較大自然，而且……餐椅唔統一，中間重有一棵樹，非常特別，我亦都發覺今次換上同另外兩間分店完全唔同風格梳化椅，以前坐坐下會跌出黎，依家可以坐得好舒服咁傾計香濃忌廉蜆意粉 - 今次我醒目喇，走蒜頭，雖然無薦香味，但係因為有蜆肉鮮甜味補救，絕對係保持水準之作焗忌廉汁肉醬螺絲粉 - 同事最愛，不過個汁可以再杰身少少，同埋……唔太夠味，濃味多少少就會更好香草忌廉三文魚意粉 - 夠多汁，不過都係如果可以濃味多少少會比較好，但係……同事倒都好愛，可能得我一個食咁濃味~煙三文魚其實同意粉、沙律係好夾，因為佢本身有煙薰、鹹味，可以補添白汁唔夠味~綜合菌菇芝士薄脆 - 我本人非常鍾意食呢個，因為有好多菇，岩岩新鮮出爐，放一陣再食，好脆口，一到千祈唔好食住，因為太熱，個薄脆未硬，會無咁好食~帕爾馬芝士薄脆 - 呢個係店員推介，佢地話呢個好味………食落真係唔錯
當然我地唔會考慮太多，直接去食~
新店位於金百利商場3樓，其實有電梯，不過我地唔係好想排隊，所以……都係選擇一層一層轉扶手電梯上去~
到達門口，發覺裝修同另外兩間有少少唔同，比較大自然，而且……餐椅唔統一，中間重有一棵樹，非常特別，我亦都發覺今次換上同另外兩間分店完全唔同風格梳化椅，以前坐坐下會跌出黎，依家可以坐得好舒服咁傾計
香濃忌廉蜆意粉 - 今次我醒目喇，走蒜頭，雖然無薦香味，但係因為有蜆肉鮮甜味補救，絕對係保持水準之作
焗忌廉汁肉醬螺絲粉 - 同事最愛，不過個汁可以再杰身少少，同埋……唔太夠味，濃味多少少就會更好
香草忌廉三文魚意粉 - 夠多汁，不過都係如果可以濃味多少少會比較好，但係……同事倒都好愛，可能得我一個食咁濃味~煙三文魚其實同意粉、沙律係好夾，因為佢本身有煙薰、鹹味，可以補添白汁唔夠味~
綜合菌菇芝士薄脆 - 我本人非常鍾意食呢個，因為有好多菇，岩岩新鮮出爐，放一陣再食，好脆口，一到千祈唔好食住，因為太熱，個薄脆未硬，會無咁好食~
帕爾馬芝士薄脆 - 呢個係店員推介，佢地話呢個好味………食落真係唔錯XDXD有香濃蕃茄底再加Parma Ham，調味絕對唔多，但係依然好夠味道~
BBQ烤雞翼 - 絕對Juice，唔會太過燶，啱啱好，又香又好味，最緊要係有西芹、他他醬做配菜，唔雞翼太油膩
烤檸檬雞膇 - 今日好似同雞有仇咁，3個小食都係雞，但係……呢個雖然檸檬味唔夠，但係勝在又係好Juice，啖啖肉
日式唐揚雞塊 - 每次見到餐牌有都一家要點，就算我去到日本，食便當都要食唐揚雞塊，問你怕未……其實味道大家都係差唔多，唔會有咩太特別，但係最緊要炸粉唔太厚
張貼
