影片
2021-09-05
1468 瀏覽
星期日去旺角行動漫商場，行完就食埋晚飯先返屋企，我哋去咗幫襯撐香港人嘅「Plato Cafe & Bistro」💛。餐廳坐落於彌敦道，地理位置方便，而且仲有窗口位可俯瞰鬧市大街景色🌃，整體氣氛令人放鬆。餐廳週末都有提供晚市套餐🍽，但個人認為二人餐未算太吸引，因為彈性唔高。相反嗌一人餐有各樣加配嘅選項，計返價錢好似仲抵啲。D13美國安格斯西冷牛扒($238)，🥩牛扒幾大件，富有燒烤嘅香氣，但切開後略嫌熟咗啲，因為我係嗌七成。牛扒底部墊咗唔少蔬菜，包括新薯🥔、車厘茄🍅、西蘭花🥦同埋沙律菜🥗。D7龍蝦汁海鮮天使麵($168)，Pasta超大碟🍝，兩個人都夠食。天使麵麵質唔會太淋，麵條幼身掛汁，龍蝦汁如果濃味啲就好。海鮮份量多，款式包括有蜆、青口、帆立貝、煙三文魚同蝦🦐。大蒜薯仔湯係是日餐湯，🧄蒜頭味唔會太重，易入口，但我預期中質感會杰身啲。每份湯伴旁會有一塊蒜蓉法包。法式龍蝦湯(升級價$28)，🦞龍蝦湯同意粉個汁有啲似，唔會過鹹。不過我建議加啲蝦肉，或會將個湯帶去另一個層次。宇治抹茶芝士蛋糕(加配價$28)，甜品仔唔錯，🍰芝士蛋糕口感細滑，夠軟身，而且抹茶味亦發揮得好好。飲品方面，套餐包$3
星期日去旺角行動漫商場，行完就食埋晚飯先返屋企，我哋去咗幫襯撐香港人嘅「Plato Cafe & Bistro」💛。
餐廳坐落於彌敦道，地理位置方便，而且仲有窗口位可俯瞰鬧市大街景色🌃，整體氣氛令人放鬆。
餐廳週末都有提供晚市套餐🍽，但個人認為二人餐未算太吸引，因為彈性唔高。相反嗌一人餐有各樣加配嘅選項，計返價錢好似仲抵啲。
D13美國安格斯西冷牛扒($238)，🥩牛扒幾大件，富有燒烤嘅香氣，但切開後略嫌熟咗啲，因為我係嗌七成。牛扒底部墊咗唔少蔬菜，包括新薯🥔、車厘茄🍅、西蘭花🥦同埋沙律菜🥗。
D7龍蝦汁海鮮天使麵($168)，Pasta超大碟🍝，兩個人都夠食。天使麵麵質唔會太淋，麵條幼身掛汁，龍蝦汁如果濃味啲就好。海鮮份量多，款式包括有蜆、青口、帆立貝、煙三文魚同蝦🦐。
大蒜薯仔湯係是日餐湯，🧄蒜頭味唔會太重，易入口，但我預期中質感會杰身啲。每份湯伴旁會有一塊蒜蓉法包。
法式龍蝦湯(升級價$28)，🦞龍蝦湯同意粉個汁有啲似，唔會過鹹。不過我建議加啲蝦肉，或會將個湯帶去另一個層次。
宇治抹茶芝士蛋糕
22 瀏覽
0 讚好
0 留言
飲品方面，套餐包$34嘅飲品🥤，$34以上嘅則補差價。我哋要咗黑牛(原價$46)同埋凍檸茶(原價$38)，前者即係可樂加朱古力味雪糕，唔講真係唔知。順帶一提，白牛即係碧雪(小新説法🤣)加雲呢拿雪糕。
總括嚟講，晚餐食飽飽好滿足，而我今晚亦終於嚟咗想試好耐嘅柏拉圖😬。餐廳定價其實都OK，有套餐或者訂枱著數。經網上訂枱，單點主菜可享買一送一優惠啊。
張貼
