Plato Cafe & Bistro (裕民坊YM²)

今日嚟到裕民坊呢間新開嘅西式餐廳plato!唔單止環境靚，仲好近地鐵站，旺中帶靜，同朋友嚟傾偈一流👍🏻價錢嚟講都唔算好貴，包晒餐湯飲品，而且選擇都好多，我哋今次就試咗軟殼蟹忌廉意大利飯同炭燒BBQ豬肋骨。軟殼蟹外脆內軟，意大利飯亦都好creamy，飯都唔會太硬，好食👍🏻豬肋骨方面份量就比想像中少，不過味道就唔差嘅，加埋薯菜就岩岩好，女仔食應該OK，男仔可能就要叫多少少份量啦～最後我哋叫咗個甜品，竹炭麻糬千層酥盒子配雪糕🍦麻糬煙煙韌韌好好食，配上熱辣辣酥脆嘅千層盒子，加埋冰凍嘅雲呢拿雪糕真係冇得輸🤤🤤而且餐廳望出去係一個平台花園，成件事都好chill呀~唔怕熱嘅仲有戶外位置添，環境一樣都係咁靚👍🏻👍🏻