燒肉の牛太・本陣 (創紀之城五期(apm))

營業中

休息中

一個人原來都可以盡慶，食lunch食燒肉CP值超高。平時係牛太會食和牛燒肉放題，但原來Lunch set仲抵食。午市燒肉定食最平$99就食到，肉份量仲超級多。除咗定量嘅肉，仲有湯、前菜、飲品。仲未完，出面有一個自助櫃可以任夾任裝，有泡菜、沙律、甜品、生果，真係多嘢食到痴晒線。我叫嘅上級牛肋肉燒肉定食，足足有成12片靚嘅牛肋肉，仲要大片有厚度。出去散叫一碟都要百幾蚊，但成個餐只係$149(有加一)，真係去cafe都貴過佢。就算你好似我一個人都歡迎入去，坐得幾舒服，限時2小時。佢仲有一款燒肉combo餐，就係定量燒肉加一個主食。燒肉份量少啲，趕時間就呢款啱啲。