影片
更多
2019-04-17
96 瀏覽
今日約左朋友係鳳凰村打冷，順路去左一街之隔既大街小館到食甜品，其實呢到不止一次聽朋友提過抵食又好味，不過縱使身住黃大仙，但平時真係好少黎鳳凰村呢頭覓食，始終唔係太就腳。可能我地八點幾算早黎，入面只得一兩檯係到食緊糖水，空間感幾好檯同檯之間唔會話好逼，環境幾清靜同朋友傾計好舒服。我地兩個人叫左三款甜品，其中朋友極力推薦呢到必食既椰皇蛋白燉桃膠我地當然唔會走雞啦，有口皆碑果然不無道理，個椰皇體積不細，而且裝滿到接近漏出黎，裡面材料又好足，面鋪滿晒桃膠，底又有好厚既蛋白及椰肉，真係無諗過會有咁多桃膠，椰香味好濃，四十幾元真係性價比好高的說。第二樣叫左既甜品係雜果水晶芋圓黑糖天使麵，其實都係因為見到賣相色彩繽紛好吸引，諗住剩係叫黎打卡都抵，點知唔止賣相得，大碗得黎有好多唔同既食材，西米露黑糖麵芋圓生果咩都有，夾得黎又有唔同既層次口感，一次過滿足不同既願望，十分消暑透心涼，特別係黑糖天使麵好香黑糖味，不過芋圓就略嫌硬了點唔夠軟綿綿，總括來說超級滿足的說。最後一樣係心太軟，食落沒有甚麼特別，不過不失，同坊間既沒有太大差別，朱古力醬叫做夠熱夠溶，但個雪糕味道質感就一般，但咁既價錢來說算係合格的了。我
可能我地八點幾算早黎，入面只得一兩檯係到食緊糖水，空間感幾好檯同檯之間唔會話好逼，環境幾清靜同朋友傾計好舒服。
我地兩個人叫左三款甜品，其中朋友極力推薦呢到必食既椰皇蛋白燉桃膠我地當然唔會走雞啦，有口皆碑果然不無道理，個椰皇體積不細，而且裝滿到接近漏出黎，裡面材料又好足，面鋪滿晒桃膠，底又有好厚既蛋白及椰肉，真係無諗過會有咁多桃膠，椰香味好濃，四十幾元真係性價比好高的說。
第二樣叫左既甜品係雜果水晶芋圓黑糖天使麵，其實都係因為見到賣相色彩繽紛好吸引，諗住剩係叫黎打卡都抵，點知唔止賣相得，大碗得黎有好多唔同既食材，西米露黑糖麵芋圓生果咩都有，夾得黎又有唔同既層次口感，一次過滿足不同既願望，十分消暑透心涼，特別係黑糖天使麵好香黑糖味，不過芋圓就略嫌硬了點唔夠軟綿綿，總括來說超級滿足的說。
最後一樣係心太軟，食落沒有甚麼特別，不過不失，同坊間既沒有太大差別，朱古力醬叫做夠熱夠溶，但個雪糕味道質感就一般，但咁既價錢來說算係合格的了。我地食到九點幾時突然間爆晒棚，座無虛席出面仲有幾個人係到等緊位，所以奉勸大家唔好太遲要早點黎到呢。
張貼
