影片
更多
2025-03-07
161 瀏覽
今日同老公去咗黃埔海邊散步 行到肚餓見到酒店附近有間泰國餐廳 有戶外同室內位 都可以望到海景Weekend有Brunch $198 包曬前菜/主菜/甜品同飲品 亦可以揀Two course $168或者One course menu $128 以餐廳環境呢個價錢都算係幾抵食前菜Chicken Satay 燒雞肉串 燒得好嫰滑 一啲都唔會柴 而且個沙嗲醬幾好食Gambas 西班牙油蒜大蝦 (Add 28) 啲大蝦真係好大隻 超級彈牙爽喉 個蒜汁又好夠蒜味 仲配咗兩舊麵包畀你點汁食主菜Steak & Eggs with Fries 牛扒煎蛋配薯條 (Add 78)牛肉燒起仲有肉汁而且又咬口 好味道 加埋粗薯條新鮮炸起脆卜卜 仲有隻太陽蛋 Wagyu Beef Boat Noodles 和牛船麵 (Add 28)個湯底幾濃鬱 裏面除咗有兩片和牛之外仲有通菜同炸豬皮 個面係金邊粉做底 幾樣嘢加埋係高質嘅船麵甜品Mango Sticky Rice 芒果糯米飯賣相精緻 味道都唔錯 芒果好甜 糯米飯煙韌有咬口餐飲我哋叫咗杯凍檸茶同coke zero另外我哋係單點菜牌到叫咗個 蟹肉忌廉咖哩配長棍法包
Weekend有Brunch $198 包曬前菜/主菜/甜品同飲品 亦可以揀Two course $168或者One course menu $128 以餐廳環境呢個價錢都算係幾抵食
前菜
Chicken Satay 燒雞肉串 燒得好嫰滑 一啲都唔會柴 而且個沙嗲醬幾好食
Gambas 西班牙油蒜大蝦 (Add 28) 啲大蝦真係好大隻 超級彈牙爽喉 個蒜汁又好夠蒜味 仲配咗兩舊麵包畀你點汁食
主菜
Steak & Eggs with Fries 牛扒煎蛋配薯條 (Add 78)
牛肉燒起仲有肉汁而且又咬口 好味道 加埋粗薯條新鮮炸起脆卜卜 仲有隻太陽蛋
Wagyu Beef Boat Noodles 和牛船麵 (Add 28)
個湯底幾濃鬱 裏面除咗有兩片和牛之外仲有通菜同炸豬皮 個面係金邊粉做底 幾樣嘢加埋係高質嘅船麵
甜品
Mango Sticky Rice 芒果糯米飯
賣相精緻 味道都唔錯 芒果好甜 糯米飯煙韌有咬口
餐飲我哋叫咗杯凍檸茶同coke zero
另外我哋係單點菜牌到叫咗個 蟹肉忌廉咖哩配長棍法包 同埋冬陰功大蝦湯
蟹肉忌廉咖哩配長棍法包
蟹肉一梳梳啖啖肉 配咗兩片蒜蓉法包可以點咖哩食 個咖哩係好味嘅咖哩
冬陰功大蝦湯
冬陰功湯酸辣度啱啱好 除咗有菇菌之外仲有三份半邊嘅大頭蝦 蝦肉係新鮮嘅 食落又甜又好彈
張貼
