Chef's Stage Kitchen (愉景新城) (已結業)

好耐無出荃灣，今日個fd約我出去荃灣食lunch，揀左好耐最後揀左呢間西餐廳。好少過愉景新城呢邊，搵呢間餐廳都搵左一輪，見到開店前已經有人排緊隊。。。雖然一早聽聞呢間質素唔錯，但係都唔洗咁誇張掛。我地揀左板燒西班牙黑毛豬豬肩扒配燒汁伴甜薯及花椰菜苗同埋蟹肉扁意粉配蟹膏蝦膏忌廉汁。先講餐湯，今日既係蕃茄湯，好濃郁，而且夠酸，唔會有好濃既茄膏味，都幾開胃。然後到主菜，豬肩扒略嫌鞋口，不過煎得好香，肉味濃，係好食既。燒汁br配菜亦都好食，不過如果花椰菜苗多少少就好啦！跟住係重點既蟹肉意粉，超級好食。醬汁好濃，蟹肉新鮮，一啲都唔會腥。意粉都煮得岩岩好，成個配搭好夾，下次必定會再點。最後我地叫左兩杯飲品，朋友既藍莓香蕉milk shake，飲得出落左好多香蕉，我試左一啖都幾好味。我揀左菠蘿班蘭葉milk shake，呢個就一般般啦！因為我覺得好似平時食既千層糕味，不過都幾特別既！