影片
更多
2022-08-03
79 瀏覽
尖沙咀精緻Fine Dining 尖沙咀好多好野食，今晚約左個好耐無見既朋友去左流尚坊樓上鋪Amina食Fine Dining，餐廳環境好有情調，加上柔和燈光，絕對係慶祝紀念日/生日既好地方，我地今晚揀左6道菜既晚餐，整個Fine dining由食物到服務都好滿意💯 6-Course Dinner Menu ($1080 / person) 🥖自家製麵包揀左食6道菜既menu之後，店員送上一盤自家製歐式麵包，可以搽埋餐廳自家製既醬同牛油，好好食 🥙Amuse Bouche 餐前小食餐前小食係自家製既薯片配鵪鶉肉，薯片脆而不膩，旁邊有辣椒粉可以調味，惹味十足 🦞蒸龍蝦燒賣配閃光鱘魚子醬和小龍蝦龍蒿泡沫及墨魚汁下一道菜淨係聽個名都覺得矜貴「蒸龍蝦燒賣」，用燒賣皮包住龍蝦肉代替魚肉，火侯控制得剛剛好，龍蝦肉肉質彈牙，燒賣上面加左魚子醬，賣相吸引又好食，用埋金箔做點綴夠哂特別 🍅原種蕃茄忌廉濃湯及切羅基蕃茄清湯食完個咁矜貴既龍蝦燒賣要飲返個湯先，Amina既湯都好高質，店員叫我地先飲清湯，口感清爽酸甜，夠哂開胃，飲完清湯之後就要試埋個蕃茄忌廉濃湯，充滿蕃茄香，蕃茄同忌廉既比例好好，酸甜開胃 🍧
尖沙咀好多好野食，今晚約左個好耐無見既朋友去左流尚坊樓上鋪Amina食Fine Dining，餐廳環境好有情調，加上柔和燈光，絕對係慶祝紀念日/生日既好地方，我地今晚揀左6道菜既晚餐，整個Fine dining由食物到服務都好滿意💯
6-Course Dinner Menu ($1080 / person)
🥖自家製麵包
揀左食6道菜既menu之後，店員送上一盤自家製歐式麵包，可以搽埋餐廳自家製既醬同牛油，好好食
🥙Amuse Bouche 餐前小食
餐前小食係自家製既薯片配鵪鶉肉，薯片脆而不膩，旁邊有辣椒粉可以調味，惹味十足
🦞蒸龍蝦燒賣配閃光鱘魚子醬和小龍蝦龍蒿泡沫及墨魚汁
下一道菜淨係聽個名都覺得矜貴「蒸龍蝦燒賣」，用燒賣皮包住龍蝦肉代替魚肉，火侯控制得剛剛好，龍蝦肉肉質彈牙，燒賣上面加左魚子醬，賣相吸引又好食，用埋金箔做點綴夠哂特別
🍅原種蕃茄忌廉濃湯及切羅基蕃茄清湯
食完個咁矜貴既龍蝦燒賣要飲返個湯先，Amina既湯都好高質，店員叫我地先飲清湯，
口感清爽酸甜，夠哂開胃，飲完清湯之後就要試埋個蕃茄忌廉濃湯，充滿蕃茄香，蕃茄同忌廉既比例好好，酸甜開胃
🍧雪葩配鮮紅石榴及泡沫
食法國菜Fine Dining通常會係食主菜之前都會有個雪葩，清清口腔內食物的味道，可以好好品嘗廚師精心炮製的主菜，熱情果雪葩配上香甜既鮮紅石榴，口感清新
🐔黑松露法國春雞配農場手指薯、黑蒜椰菜和波特酒汁
主菜我地揀左黑松露法國春雞，春雞鮮嫩多汁，配埋手指薯同椰菜，仲有自家調配既波特酒汁，口感層次非常豐富
🥚甜品
食完主菜話咁快就到尾聲，有啲唔捨得完結呢次高級餐飲體驗，甜品有兩款，首先會係主廚推介既豆腐焦糖燉蛋，濃濃嘅蛋香，好滑但又唔會太軟身，仲食得出淡淡既豆香味
☁️而Petit Four就係菠蘿慕絲上面加左四粒精美既朱古力，口感似棉花糖，味道同視覺效果都好好，為呢餐Fine Dining 畫上完美既句號
張貼
