E FOR EGG

營業中

休息中

Weekend朋友帶咗我哋去西環搵一間高質cafe，去到係爆場。佢哋用蛋做主題裝修，走cafe簡潔風，嘢食係好睇又好食🤤🍞金沙軟殼蟹三文魚籽海鮮沙律盒子吐司擺盤好靚夠吸睛成隻金沙軟殼蟹插係吐司上面，一切開吐司入面係海鮮沙律又有芝士，吐司外脆內軟加上海鮮沙律同芝士好惹味。🌰栗子蒙布朗窩夫睇得又食得嘅有高度感甜品！外面充滿住栗子蓉，食落唔甜咬到一粒粒甘栗。入面係窩夫同少少蛋糕。🍵原條蒲燒星鰻茶漬丼原條蒲燒星鰻燒得好香有淡淡鰻魚味，加上少少脆脆同茶漬飯一齊食好清新。🍟黑松露蕃薯條蕃薯條炸得香脆不過略嫌有點過油，配黑松露醬同放咗一小舊黑松露係上面撈蕃薯條食。🧆千島醬紫蘇雞肉丸串紫蘇雞肉丸配上千島醬，肉質結實有口感，幾好食。👻萬聖節限定-嘩鬼黑芝麻巴斯克芝士蛋糕中間係流心而且質感軟滑！黑芝麻味幾香濃，甚至乎蓋過咗芝士嘅味道。🥚招牌奶蓋咖啡有蛋係上面做裝飾，tiramisu奶蓋下面係咖啡。🥛竹炭黑芝麻鮮奶感覺無乜加糖好健康，好濃黑芝麻味。