Nutmad (已搬遷) 新店位置

隱身官塘工厦一間食物質素同環境都唔錯嘅cafe小店，卡邦尼意粉芝士味好香濃，意粉亦煮得剛剛好煙韌有咬囗，而個人比較喜歡佢哋個焦糖香蕉.雪糕.法式多士，厚多士先上一層薄薄蛋醬後微微煎香再放入焗爐，焗至金黃，外脆內軟，入口鬆軟又唔會太甜，蛋香加上些微糖粉甜，好好食，而且賣相仲好吸引，呢個下次嚟一定要再食，小店除左食物有質素外佢哋嘅咖啡亦唔錯，店員亦好細心介紹每款咖啡特性比客人，我哋點左啡常朱古力咖啡同有士多啤梨及花香味嘅咖啡，兩杯都好好飲好香，尤其士多啤梨香味咖啡，入口後慢慢滲出果香味口感唔錯，喜歡咖啡嘅不妨一試。