六両三 (已結業)

見到呢度咁多好評，咁啱經過附近就去試一試。 入面間舖應該得 二百幾呎大家都坐得好迫， 只係有一個人嘅走廊位。睇返以前嗰啲貼文 ，應該係加咗價，本來個三寶牛肉麵已經 由80蚊加到88蚊。 難得過到嚟附近就試下啦。 另外見佢冇跟餐飲所以自己叫咗杯冬瓜茶。 呢個三寶麵其實湯底同埋牛肉質素都好，係好濃沃嘅牛肉味，再加上少少辣味，更加引起人嘅食慾。 飲埋個冬瓜茶清清哋就啱啱好。 不過價錢就貴咗少少囉， 埋單盛惠98。 如果細心去搵呢個價錢喺附近應該有更加多選擇。