圃公館 (已結業)

同事講過呢間圃公館飲茶幾好，今日放假就同阿媽專程黎飲早茶。見到餐牌有麻辣牛肉腸，牛肉腸平時我地成日食，但就未試過麻辣既，我同阿媽都係鐘意辣既人，當然要試試！食落去同想像一樣惹味，腸粉又滑，好食！之後點左炸鮮魷，炸得好香脆，點埋他他醬好正。另外又叫多幾樣炸野同一碟菜，都唔錯。雖然今餐好熱氣，但唔係成日咁樣食，當然要食得盡興！食完好滿足，繼續飲下茶清一清頭先食既油膩野，呢度坐得好舒適，環境靚，下次會再同屋企人黎。