Homeland (牡丹大廈) (已搬遷) 新店位置

之前成日都見到朋友去homeland打卡，一路都好想去試，但係因為大埔分店實在太遠所以冇去到，最近先知原來大角咀都開咗分店，雖然冇咗晚市，不過趁Weekend嘅晏晝都去試吓啦望到餐牌上面都有好多唔同嘅選擇，多國菜式之餘又夾雜少少fusion，絕對值得一試首先係飲品方面，呢個士多啤梨牛奶絕對係推介嘅首選，除咗賣相方面有好夢幻嘅顏色之外，飲落去亦都有香濃嘅士多啤梨牛奶味，大家都知道士多啤梨味成日都會好假似藥水味，不過呢度就完全唔會有呢個擔心之後我哋叫咗個大路小小嘅卡邦尼意粉，估唔到都幾好食。除咗用咗比較少見嘅parma hams伴碟，隻半熟嘅雞蛋都加咗唔少分另外仲叫咗一份酥炸白飯魚配柚子醋做小食，一條條食有少少似食薯條咁幾過癮，連埋柚子醋就覺得好Fresh除此之外爆炸糖三文魚柳都幾吸引到我哋，原本冇諗過爆炸糖都可以放喺呢個菜式到，好有新鮮感最後食埋甜品，好欣賞餐廳本身已經用咗好靚嘅碟，但係依然好花心思裝飾隻碟黎上甜品，抵讚！